Í kórpartýum er ætíð gaman og var föstudagurinn enginn endantekning. Ég fullyrði að Sóparanar áttu (aftur) besta atriðið. Ég er hamingjusöm, takmarkinu er náð, sópraninn rokkar (ásamt öltunum að sjálfsögðu!). En topp 5 listinn yfir atriði kórpartýsins er svohljóðandi

1. Sópranar
2. Bassalingar
3. Blöðrukisi úti í garði
4. Tenórus
5. Altar

Jónas býr í einu mesta partýhúsi sem ég að hef augum litið; tvö klósett, eitt í nokkru ólagi og ekki hægt að læsa, dauðaherbergi, stofa með píanói, gosbrunnur, diskóherbergi með flúorljósi sem gerði alla ógeðslega, bekkur til að reykja á, sandkassi, garðhúsgögn, garður bakvið húsið.. og svo mætti lengi telja. Ég framdi áhættuatriði, skreið undir bílskúrshurðina til að forðast Halla Volvo og á meðan ég var að skríða í burt, þá setti einhver hurðina í gang. Í smá stund hélt ég að ég myndi deyja.
Ég mun vera í ævilangri fýlu út í A&A fyrir að skilja mig eftir hjá Skúla. Hann er ekkert hræðilegur, en það er hærðilegt að vakna við það að pabbi hans Skúla stendur, í boxer og stuttermabol að breiða ofan á mann sæng.
Skítkastið fá öldungarnir Skördí og Marta fyrir að mæta ekki í síðasta kórpartýið okkar sem meðlimir í yngri kórnum. Stúdentsveislur er er ekki afsökun, Ingunn kom!
Ég segi þrefalt húrra fyrir Jónasi, þakka fyrir magnað partý (fannstu nokkuð hvítan bol? Ég á hann nefnilega)

Djammandi djammandi

Eftir vinnu á miðvikudaginn vildi ég djamma. Því var haldið til Söndru þar sem hvítvín, bjór og ostar voru borin á borð. Anna Pála, Vigga og Dagga voru líka í ostaveislunni ásamt Sigga hennar Söndru og mömmu hennar og litla bróður. Næst var haldið niður í bæ og fyrsta stopp gert á Kaffibrennslunni. Það var stutt. Síðan var haldið upp Bankastrætið og hljóp ég inná mína heittelskuðu Lækjarbrekku til að skrifa á mig annan gullvökva (lesist bjór). Yfirþjóninum mínum leist svo rosalega vel á þennan stúlkaskara sem stóð í portinu og beið eftir mér að hann heimtaði að þær myndi koma inn og bauð öllum bjór og epplasnafs. Þá var ég öfunduð af góðum vinnustað, hahaha! Allavega, Anna Pála var, sökum amors litla, alveg sjúk í að fara inn á Ara í Ögri. Hinar þrjár stungu af á Dillon án okkar vitundar og sat ég ein eftir með Önnu Pálu og amornum hennar. Ég átti því ekki annan kost en að leika mér í reiknivélinni minni ásamt því að tala illa um IB við Kristófer hin hálfbreska sem er líka á IB. Ég heimtaði brottför þegar úthaldið var á enda og þá var haldið á Glaumbar. Eftir eitt J-T lag fór ég. Anna Pála var upptekin af öðru. Ferðinni var heitið á Vegamót en þar átti Yngvi víst að vera. Hann reyndst þó vera á Sólon. Á leiðinni til baka hitti ég tvo pilta sem voru að baksa við að binda bindishnút. Þeir voru báðir drukknir og greip ég á það ráð að binda hnútinn fyrir þá, við mikinn fögnuð nærstaddra. Ég dró þá af stað með mér á Sólon, því að ég nennti ekki að labba ein, og kom þá í ljós að þeir þekktust ekkert og höfðu aldrei sést áður. Á Sólon keypti Yngvi bjór handa mér og fór svo, þannig að ég var eftir með belgíska Michelin kokknum, Pieter. Eftir dans í smá tíma héldum við af stað á Boomkikkers. Ég komst reyndar ekki þangað því að ég hitti dreng sem hafði stolið plaststólpa í Bankastrætinu og var hann svo ánægður að löggann hefði ekki stoppað hann að hann ákvað að kalla stólpann friðartáknið sitt. Við röltum upp á Vesturgötu þar sem ég fékk að pissa í mjög fallegri kommúnu. Síðan fórum ég og friðardrengurinn í göngutúr um gamla kirkjugarðinn og svo labbaði ég heim. Megnið af leiðinni var býfluga samferða mér en hún vildi ekki tala við mig. Þegar ég kom heim, um 7.00 þá uppgötvaði ég að ég var læst úti. Ég vildi ekki vekja foreldra mína að svo stöddu svo að ég lagið mig bara í sólinni í hallargarðinum mínum (lesist: fyrir utan útidyrahurðina). Vaknaði svo kl. 9.30 við vekjaraklukkuna inni hjá mér, ég var þó ennþá úti og kl 10.00 bankaði ég á klósettgluggann og bað um að mér yrði hleypt inn. Og þar með endar djammsagan.

Ég hef verið útnefnd upplýsingamálaráðherra fjölskyldunnar og þarf því að svara fyrirspurnum og símtölum varðandi ófædda drenginn. Einnig þarf ég að hringja í alla fjölskylduna þegar hann loksins fæðist og tilkynna um fæðingartíma, stærð, þyngd og heilbrigði. Þetta er einflaldega vegna þess að móðir mín og faðir eru að fara af landi brott í viku og getur því enginn annar sinnt starfinu. Í nótt vonaði ég heitt og innilega að hann væri að fæðast, reyndi m.a.s. að tala systur mína inná að að hlaupa 20 sinnum upp og niður stigann hér fyrir utan.. það gekk ekki.

Hundrað milljón þúsund skrilljón billjón rokkstig fær Björgin mín eina fyrir bestu og flottustu gjöf í heimi og geimi. Brosið er ennþá á, kjólinn passar og þessi magnaði maríuhænuhattur! I love you! P.S. er búin að plögga kaffi hjá Mumma þegar þú kemur heim.

Bílnum okkar var stolið í vetur. Ég og mamma settum sófann, alla borðstofustóla og hægindarstóla (þó að þeir séu nú engir rosalegir hægindarstólar) inn í forstofu því að á stolnu lyklakippunni var ekki einungis bíllykill heldur einnig húslykill. Ég ákvað líka að láta fat með hnífapörum halda jafnvægi á hálfopinni hurð svo að ef hurðinn yrði hreyfð þá myndi allt húsið vakna við barmlið í hnífapörunum. Þegar bílinn fannst (nánast tómur að innan, ruplararnir tóku m.a.s. sundskýluna hans pabba!) ákváðum við að fá okkur öryggiskerfi. Það var sett upp í dag af tveimur mönnum sem tóku andköf þegar þeir sáu köttinn minn og flautuðu svo á hann, við afar dræmar undirtektir Mola, sem er kötturinn, og hélt hann móðgaður á brott. Ég er nokkuð viss um að hann hugsaði "Ég er ekki hundur". Þessir kallar nú ekkert rosalega merkilegir fyrir utan það að þeir tóku símann þrisvar úr sambandi á meðan ég átti í langlínusamræðum við Björgu í Brussel. Aumingja maðurinn varð alveg miður sín þegar ég kallaði utan af palli (því að þeir voru líka að bora í veggi svo að það reyndist erfitt að tala í símann) "Aftur, dísös kræst, ég er að tala til Belgíu!".
Kerfið er hinsvegar alveg hreint snilldarlegt því að það talar við mann, þokkafull tölvukonurödd sem tilkynnir að nú sé kerfið "Ready to arm" og svo er líka hægt að taka upp skilaboð til annara fjölskyldumeðlima "Fór í sund, kem heim kl 18.00" þó ég efist nú um að mamma mín muni nokkur tíman læra á þessa skilaboðaskjóðu.

Áðan var ég næstum því búin að keyra á fugl sem ákvað skyldilega að steypa sér fyrir bíl. Þá fór ég að hugsa, ætli fuglar geti líka fengið hjartaáfall? Og ætli þeir geti fengið taugaáfall? Ég meina. það hlýtur að vera nokkuð stressandi að vera fugl. "Oh sjitt, ég þarf að safna prikum og grasi, búa til hreiður, safna ormum til að éta og fljúga suður á bóginn, sem eru nokkur þúsund kílómetrar"

Krílið litla hefur ekki látið á sér kræla, það ríkir mikil spenna á heimilinu

Fussum svei

Ég var að koma af kaffihúsi með Skjenstadkonunni (s.s. kvk tvíbbanum ef að þið náið þessu ekki). Þar ræddum við aðallega um asnaleg nöfn og komumst að þeirri niðurstöðu að það væri asnalegt að það væri hægt að heita Sóley Erla, eða Blóm Fugl en ekki Sóley Ýsa, eða Blóm Fiskur. Og ég hitti hann Alla frænda í dag. Þegar laugardagskvöldið bar á góma þá fór hann að tala um rauðvínsblett í skyrtunni sinni sem hann myndi ekki hvaðan kom. Ég horfði áhugaverðum augum á tærnar á mér á meðan ég útskýrði fyrir honum öll herlegheitin og hann fyrirgaf mér strax. Ég leita hér með að Sigga..
Þakka fólki afmæliskveðjurnar. Vona að allir séu uppteknir af því að vinna Egóbústið (sjá hér neðar).

Ég er að taka þátt í einhverri rannsókn (eins og fleiri ungar stúlkur á mínu reki hér í bæ). Í dag ákvað ég hins vegar að mig langaði ekki að vera í rannsókninni lengur (ástæður verða óútskýrðar vegna þess að karlmenn myndu vorkenna konum svo agalega fyrir að þurfa vera konur, konur myndi fara að gráta við lesturinn, auk þess sem það væri ósiðsamlegt að birta það hér). Ég hringdi niður eftir og sagði "Ég vil hætta í rannsókninni". Konan bað um ástæðu en ég hafði nú kynnt mér rétt minn og tilkynnti henni að ég þyrfti ekki að gefa upp ástæðu. Þá gaf hún mér samband við aðra konu sem var með súkkulaðirödd og sagði að hún væri leið að ég vildi hætta í rannsókninni. Og hún reyndi að ginna mig aftur með því að bjóða mér frían bíómiða fyrir tvo, pening og leigubíl á staðinn! Gott tilboð, en ég vildi nú samt hætta í rannsókninni. Á endanum leið mér eins og Chandler og Ross þegar þeir ætla að hætta í líkamsræktinni og enda með sameiginlegan bankareikning. Fussumsvei! Ósvífnin í fólki!

P.S. niðurteljarinn er enn bilaður en þið getið reiknað þetta út ef að ég átti afmæli 25. maí

Af Hot'n'Sweet og fleiru

Blogger er í fríi, ég get allavega ekki breytt niðurteljaranum svo að staðan er svona:
Tvítugsafmæli: Í DAG!
Von á systursyninum: 2 dagar
Harry Potter: 26 dagar.

Ég bið alla þá sem þurftu að þola drykkjuæsing og annað leiðinlegt frá mér í gær innilegrar velvirðingar. Ég kenni Hot'n'Sweet staupunum í efnafræðiglösunum um. Ég verð alveg óþolandi eftir drykkju þessara efna. Þó aðallega verð ég að biðja tvo afsökunar.
Alli frændi: Rauðvínið var mér að kenna og ég er búin að fyrirgefa þér þetta með heita pottinn, fyrir löngu m.a.s. Skammast mín niður í tær og skil ef þú vilt neita öllum fjölskyldutengslum okkar á milli.
Siggi skeggjaði: Ég biðst aftur afsökunar varðandi bjórinn, ég skulda þér enn einn.
Ég held reyndar að hvorugur viti af tilvist þessa bloggs og lesi það því ekki, þannig að þið komið þessu til skila ef að ég er ekki búin að hitta þá. Takk fyrir.

Gudda lofaði víst að birta útgáfur af ljóðinu utan hringsins eftir Stein Steinarr. Í eftirfarandi ljóðum bregður Gudda sér í líki ýmissa manna. Hér kemur upphaflega útgáfan:

Ég geng í hring
í kringum allt sem er
og innan þess hrings
er veröld þín

Minn skuggi féll um stund
á gluggans gler

Ég geng í hring
í kringum allt sem er
og utan þessa hrigns
er veröld mín

Nú hér má sjá órómantíska og orðóheppna manninn yrkja:
Ég geng í kringum þetta allt
og þú ert inni í hringum

Minn skuggi féll
á þennan glugga

Ég geng í kringum allt
og ég er fyrir utan hringinn

Og að lokum Pakistaninn sem kann ekki góða íslensku:
Ég vera ganga kríngúm
og ég detda gegnúm glúgga
og nú þú véra inní
og ég véra útí

Jæja, ég er farin að halda áfram að vera tvítugt. Já hey, þið eruð öll ömurleg nema Karól og Andri Ó. en enn gefst ykkur tækifæri til þess að bæta ráð ykkar, Ég á afmæli í einn og hálfan tíma í viðbót, ef tekið er mið af degi en fimm og hálfan tíma ef tekið er mið af fæðingartíma þannig að enn er tekið við hamingjuóskum.

Hér birtist fullkominn listi yfir allt það sem mig langar í. Þið hafið tæpar tvær vikur til þess að safna eins mörgu og mögulegt er af listanum og vinna þar með leikinn!

Síðasta Egóbústið

... rjómahvíta Renault Daphne 1962 sem boðar sumarið hjá mér. Hann er til sölu.
... Amélie geisladiskinn og myndina á DVD
... litla ávaxta- og súkkulaðibúð á Spáni, ítalíu eða Frakklandi
... rauðu skóna í Kron
... a.m.k. eina milljón í beinhörðum peningum
... flugvél og einhvern til þess að fljúga henni
... nýtt útlit á þessa hommsubláusíðu
... digital myndavél, ekki Kódak
... Eru ekki allir í stuði? eftir Doktorinn sjálfann.
... heimatilbúin geisladisk með heimatilbúnum lögum.
... heimatilbúin geisladisk með ógurlegum partýlögum.
... miða á Hróarskeldu 2003 (og ef ég fæ ekki flugvél og einhvern til þess að fljúga henni þá vil ég flugmiða til Danaveldis og lestarmiða frá Köben til Hróarskeldu líka).
... iPod, helst þessa týpu
... kokkabók sem heitir "The Soprano Family Cook Book" eða eitthvað svoleiðis.
... risastóra ljósmyndabók sem heitir Art Of Photography.. eða eitthvað svoleiðis.
... nýja myndavél, manual, með flassi og a.m.k. fjórum góðum linsum.
... myrkraherbergi með öllum græjum.
... óendanlega inneign í plötuverslunum og bókabúðum landsins
... ferð út í geim
... tvær milljónir í 1000 köllum
... nýtt seðlaveski
... vinstri stjórn á Íslandi
... myndina af litla stráknum þar sem maður trúir því að hann labbi út úr myndinni eða blikki mann.
... einhverja aðra mynd eftir Mary Ellen Mark
... allar bækur eftir Mary Ellen Mark, þ.á.m. A Cry for Help
... Mary Ellen Mark
... heimagerða ljóðabók eftir Skúla sem á að heita "Móðir mín kjarnakonan", "Ragnheiður undurfríð" eða álíka.
... stærra herbergi
... ekki í kerti, sápur úr Body Shop, hálsmen eða snyrtidót
... málverk eftir gefanda
... fullt af nýjum fötum
... fullkomna spænskukunnáttu
... snúru í gettóblasterinn minn
... disk með Yeah Yeah Yeahs
... báða Harry Potter myndirnar á DVD
... son sem er ekki jafn vanþakklátur og sá gamli var
... gamal auglýsingar úr járni
... plaggat, eða málverk, eftir Toulouse-Lautrec, sem notað var sem auglýsing fyrir Rauðu Mylluna
... genið sem sér um skipulag
... geisladisk með The Vines og The Kills
... heimatilbúna bíómynd eða tónlistarmyndband
... live skemmtiatriði í afmælinu mínu
... pjéninga
... mitt eigið lén
... gasgrill
... heitan pott, skreyttum mósaík, í garðinn
... teiknimyndasögubók
... grískar styttur í sturtuna, þó bara frá Mumma
... gamla skrúfueyrnalokka
... fínt gala veski
... latteglas, svona stórt ömmuglas (Vigga, það má vera stolið frá Kaffibrennslunni)
... fallega plastperlufesti með allskonar glingri
... amerískt rúm
... japanskt rúm
... þægilega dýnu, a.m.k. 1.80 m á breidd
... rúmföt, helst hvít, allavega EKKI með blómum
... svartar náttbuxur, helst úr satín, allavega mjúkar að innan
... svona take-the-coffee-with-you bolla, úr einhverjum málmi
... ferð til Brasilíu
... mikið af gömlum djass diskum
... fivtís föt
... sólgleraugu eins og VV í The Kills var með á myndinni sem fylgdi greininni um þau í Mogganum um daginn. Ég er búin að leita út um allt að svona mynd og missti bloggið nokkrum sinnum út svo að þið verðið bara að standa ykkur (hint: svona gleraugu fást í gleraugnabúðinni við hliðina á blómabúðinni í Kringlunni).
... sól og blíðu í allt sumar.
... einthvað sem er ekki neitt og er gjörsamlega ónothæft
... bækur í bókahilluna sem fær fólk til að halda að ég sé ofurgáfuð
... meiri skó, meiri skó, meiri skó
... rautt reiðhjól í gamla kvennmannstílnum
... kaffisýróp, irish krím
... nýja esspressóvél
... svarta kjólinn með gráu blómunum í Mondo
... armband úr plexigleri frá Kirstjuberjatréinu
... fyndnar og skemmtilegar myndir

En sá undarlegi dagur

Ég kláraði prófin í dag, spriklaði um eins og nýr kálfur í örstuttastund, fór í sól og blíðu á Austurvelli og svo skutu Lárus Rektor og Jón Hannesson mig í fótinn. Reyndar bauð Lalli mér fyrst hnetu og þó að ég sæti með silfurtár á hvarmi mínum, þá hló ég að honum. Endaði á því að búa til foss í Öskjuhlíðinni sem hét Blóðnasafoss. Og þar fór saga dagsins i dag, mjög svo undarlegur.

Ég verð að hafa eftir nokkur fleyg orð frá lærdómssetu okkar Önnu Pálu í gær. Ný kona varð til, kynlífssveltaljóðskáldið Gudda sem gengur bara í hörfötum, með 158 sólarhálsmen, John Lennon gleraugu og kollhatt. Hún yrkir svo:

Ég er kona
ég er jarðaber

þú ert maður
þú ert banani

ég bý til jarðaberja og bananasjeik

Hún styðst meira við myndlíkingar (þessi er frá Önnu Pála, konunni sem ekki verður endurtekin):

Sköp mín eru líkt og snjóhús
dimm, köld og rök.
Við innkomu þarf maðurinn að
skríða gegnum
löng
myrk göng.
Ég er frjósemissnjóhús

Á morgun mun Gudda birta hér ýmsar útgáfur af ljóðinu "Utan hringsins" eftir Stein Steinarr. Þau eru snilld (a.m.k. að mati okkar Önnu Pálu). Lifið heil!

Egóbústið
Mig langar í...

... svarta kjólinn með gráu blómunum í Mondo
... armband úr plexigleri frá Kirstjuberjatréinu
... fyndnar og skemmtilegar myndir

Djöfullinn sjálfur..

The Dante's Inferno Test has banished you to the Sixth Level of Hell - The City of Dis!
Here is how you matched up against all the levels:

Level	Score
Purgatory (Repenting Believers)	Very Low
Level 1 - Limbo (Virtuous Non-Believers)	Moderate
Level 2 (Lustful)	Very High
Level 3 (Gluttonous)	Moderate
Level 4 (Prodigal and Avaricious)	Moderate
Level 5 (Wrathful and Gloomy)	Low
Level 6 - The City of Dis (Heretics)	Very High
Level 7 (Violent)	High
Level 8- the Malebolge (Fraudulent, Malicious, Panderers)	High
Level 9 - Cocytus (Treacherous)	High

Take the Dante Inferno Hell Test

Ég og fyrrverandi eigum þá eitthvað sameiginlegt (viðurkenni þó að ég fata þetta próf ekki alveg).
Annars vil ég segja þeim sem eru búnir í prófum... fuck off and die.

Egóbústið
Mig langar í...

... bækur í bókahilluna sem fær fólk til að halda að ég sé ofurgáfuð
... meiri skó, meiri skó, meiri skó
... rautt reiðhjól í gamla kvennmannstílnum
... kaffisýróp, irish krím
... nýja esspressóvél

Júróvisjón

Dyggir lesendur, og þeir sem mig þekkja vel, vita að ég er forfallinn Júróvisjónaðdáandi. Ég kann lögin frá Eistlandi 1996, Danmörk 1997, Kýpur 1998, man hvernig fötum flestir hafa verið í frá 1998 og svo gæti ég lengi talið. Ég ætlaði mér að halda hér uppi Júróbloggi, þ.e. blogga um hverja kynningu, en ákvað að það myndi ekki falla í ljúfan löð. Ég get þó ekki hamið mig að tala um hitt og þetta þar sem Júróvisjón nálgast sem óð fluga.

- Öll lögin eru brekst íbíza rippoffpopp. Birgitta er ekki jafnslæm og áður leit út fyrir.
- Tyrklandi er á mörgum stöðum spáð sigri, enda ekki undarlegt þar sem myndbandið þeirra skartar semi-erótískum myndum af hálfnöktum stelpum í einhverskonar baðhúsi.
- Grikkland er líka ofarlega á spádómslistum. Aumingja konan fór í korselettið öfugt og ákvað greinilega að taka Charlotte Nilson á þetta eftir að hún sá hvernig frú.Nilson vann Selmu okkar með því að vera meira máluð, í þrengri fötum og wonderbra.
- Þýskaland á án efa hamingjusamasta lagið í ár, Austurríki (eins og Nanna, Dagga og Dr. Gunni hafa bent á) undarlegasta lagið og Úkraína hetjutenórinn og asnalegasta myndbandið. Ég dó þegar maðurinn fór að syngja í hárblásarann sem var í gangi
- Afhverju þurfa Austur-Evrópu löndin alltaf að syngja á "Bradislava tjo kjo brusinuvi uji tuji" tungumálunum sínum? Kannski vilja þau bara alls ekkert vinna. Þetta er þó skemmtileg tilbreyting, eins og þegar rússneska sveitin Mumin Troll tók þátt árið 2001 og hélt því fram að textinn væri á ensku þó að hann hljómaði eins og köttur að reyna að leika hænu.
- Portúgalar (og söngkonan galar svo sannarlega) ætluðu að hafa undankeppnina veglega í ár, hringsvið sem hreyfðist. Það var ekki alveg jafn veglegt að sjá kallana sem unnu við það að hreyfa sviðið fram og til baka, skríða meðfram sviðinu og ýta því.
- Ég held að breski kk söngvarinn sé hommi.

Egóbústið
Mig langar í...

... sólgleraugu eins og VV í The Kills var með á myndinni sem fylgdi greininni um þau í Mogganum um daginn. Ég er búin að leita út um allt að svona mynd og missti bloggið nokkrum sinnum út svo að þið verðið bara að standa ykkur (hint: svona gleraugu fást í gleraugnabúðinni við hliðina á blómabúðinni í Kringlunni).
... sól og blíðu í allt sumar.
... einthvað sem er ekki neitt og er gjörsamlega ónothæft

Skúli Lillard?

Ég bara verð...
Ég er að fara í sálfræðipróf og ég hef fengið mig til þess að trúa því að með því að lesa öll gömul Cosmopolitianblöð systur minnar þá sé ég í raun að læra sálfræði. Ég er að reyna að skilja sálfræðina á bak við konur, sem er ansi flókin, það segi ég þó að sjálf sé ég kona. Það má ekki vera of kynþokkafullur en samt deyja úr kynþokka, ekki láta stráka vita að maður sé öruggur en strákum á víst að þykja það heillandi að sjá öruggan kvennmann, þ.e. samkvæmt Cosmo. Það merkilega við þennan lestur minn er þó annað og undarlegra.. Ég rakst á mynd (klikka á mynd)



Þarna brá mér... er þetta Skúli? Það var annar maður titlaður fyrir þessari mynd, Matthew nokkur Lillard sem hefur leikið í stórmyndum á borð við Scream og Scooby Doo. Ég gróf upp myndir af Skúla og Lillard...



Dæmið nú sjálfir kæru lesendur, hver er maðurinn í Comso?

Hjartans þakkir fær Andri fyrir góðvild og hjálpsemi. Súkkulaðikaka verður afhent síðar

Egóbústið
Mig langar í...

... svona take-the-coffee-with-you bolla, úr einhverjum málmi
... ferð til Brasilíu
... mikið af gömlum djass diskum
... fivtís föt

Undirleikari óskast

Þegar ég verð stór þá ætla ég að giftast myndarlegum, góðum manni sem getur spilað alla tónlist og öll lög í heiminum á hvaða hljóðfæri sem er. Hann mun búa í litlu íbúðinni minn með kettinum Miu.
Annars ætla ég að vera plebbi og fara í ljós í fyrramálið. Ég er viss um að það muni hjálpa mér við lærdóminn sem gengur satt að segja ansi brösulega þessa dagana.

- R I T S K O Ð A Ð -

Egóbústið
Mig langar í...

... amerískt rúm
... japanskt rúm
... þægilega dýnu, a.m.k. 1.80 m á breidd
... rúmföt, helst hvít, allavega EKKI með blómum
... svartar náttbuxur, helst úr satín, allavega mjúkar að innan

Haltir ganga

Ég var að skoða eitthvað blað. Þar var auglýsing frá Krossinum um einhvern mann sem er hér á landi og er víst kraftaverkakarl og ætlar að lækna alþjóð í Austurbæ 13.-15. maí, eða eitthvað svoleiðis. Í auglýsingunni stendur meðal annars: "Haltir ganga, daufir heyra". Sko, einu sinni misteig ég mig og varð hölt, en ég gat samt alveg gengið þrátt fyrir það og vinkona systur minnar er heyrnadauf, en hún heyrir nú alveg þrátt fyrir það. Svo að ég segi svo að þessi maður sé ekki kraftaverkakarl heldur peningplokkarasvindlari.

Annars nenni ég ekki að ljóðast meira við Skúla. Það er barasta ekki hægt að hafa gaman af þessu sýnist mér, það þarf allt að vera eftir einhverjum reglum. Mér finnst reglur leiðinlegar. Það rann upp fyrir mér að við gætum aldrei orðið móðir og sonur aftur vegna þess að enginn er svona dónalegur við móður sína, ég bara virðist gera allt vitlaust. Hér er loka ljóðið:

Þetta e r nýtískulj ó ð
það fjallar u m gamla móðu r ás t
sem er n ú dáin.
H é r má drengur le iiiiiii ta
að nýrr i móðu r ás t.
Ég vil ekki l e n g u r vera
s k ö m m u ð og V A N M E T I N
Það ristir það ristir það ristir það ristir
svo djúpt svo djúpt svo djúpt svo djúpt
í sál mína s e m engist o g kvelst
eins o g særður l í t i l l saklaus
k ett lin gur

Egóbústið
Mig langar í...

... grískar styttur í sturtuna, þó bara frá Mumma
... gamla skrúfueyrnalokka
... fínt gala veski
... latteglas, svona stórt ömmuglas (Vigga, það má vera stolið frá Kaffibrennslunni)
... fallega plastperlufesti með allskonar glingri

Helvístis fokking djöfulsins drullutussu ömurlega drasl. Helvítis andskotans prumpurassa óskiljanlega hálfvita pissu kúka dót sem virkar aldrei. Djöfulsins andskotans píku myglubanana gubbufötu ógeðslega typpa ömurlega drasl. Brenndu í helvíti segi ég. Ég var að reyna að svara þessu frá Skúlafi. Og það gekk barasta svona vel. Oh! *Sparka í vegg* Ég verð bara að bíða eftir að einhver hjálpar mér að skilja þetta fokking helvítis andskotans djöfulsins prumpurassa drullutussu hálfvita pissu kúka píku ömurlega myglubanana óskiljanlega gubbufötu ógeðslega drasl.

Jæja, þá er það búið. Mér leikur forvitni á að vita hvort herra DJ-Banani lesi nokkið bloggið mitt. Þarf að ná í kauða. Ljóðaskipti okkar Skúla halda áfram, ég vona að lesendur séu að skemmta sér jafn vel yfir þeim og ég (að utanskildum fokking helvítis andskotans djöfulsins prumpurassa drullutussu hálfvita pissu kúka píku ömurlega myglubanana óskiljanlega gubbufötu ógeðslega draslinu þarna áðan).

Móðir ein var mjög svo lúinn,
mátti þó ei kveina.
Kom oft kallið "Ég er búinn"
konan þurfti' að skeina.

Egóbústið
Mig langar í...

... mitt eigið lén
... gasgrill
... heitan pott, skreyttum mósaík, í garðinn
... teiknimyndasögubók

Vorið er komið og grundirnar gróa...

... og þá mun nágranninn slá sitt gras. Ekki skil ég þetta blessaða fólk sem býr í kringum mig. Það er svo íslenskt að það hálfa væri nóg. Fólkið mér á hægri hönd hefur grillað alla sólardaga síðan í febrúar, þ.e.a.s. ef gengið er út frá því að ekki sé rigning og hvassviðri (rok virðist vera í lagi). Í gær, þegar sólin skein blítt og rokið feikti nærfötunum á snúrunni langar leiðir, ákvað maðurinn að nú væri sko kominn tími til þess að slá grasið. Ég er viss um að hann gerði það einungis vegna þess að ég sat, skjálfandi með kaffibolla, að lesa spænsku. Í morgun vaknaði ég svo við mal í slátturvél. Sendiherrann mér á vinstri hönd hafði þá ákveðið að nú væri komin tími til þess að panta slátt á flötinn.

Annars skil ég ekki hann Skúlaf litla. Eina stundina grátbiður hann um að fyrrverandi taki honum opnum örmum á ný, þá næstu skyrpir hann framan í mig!

Rangt er kveðið, rímið góða
rekur sonur mig á hold.
Dreymir mig um dverga fróða,
drenginn fela undir mold.

Forðum daga, oft ég fann,
fyrir ást á móður.
En í dag, hann engum ann
æi guð minn góður!

Egóbústið
Mig langar í...

... plaggat, eða málverk, eftir Toulouse-Lautrec, sem notað var sem auglýsing fyrir Rauðu Mylluna
... genið sem sér um skipulag
... geisladisk með The Vines og The Kills
... heimatilbúna bíómynd eða tónlistarmyndband
... live skemmtiatriði í afmælinu mínu
... pjéninga

Sunnudagsbíltúr

Pabbi minn er innanhúsarkitekt og mamma mín er vefari (ekki heimsíðugerðarkona heldur svona listrænn teppatilbúari). Þetta gat verið alveg ágætt þegar ég var yngri. Ég lærði snemma að Arne Jacobsen var góður hönnuður þó að það væri stundum ansi pirrandi að týna pabba í skólanum því að hann þurfti endilega að skoða skrúfurnar í stólunum. Þegar mamma fór að heimsækja vinkonur sínar kom það oftar en ekki fyrir að mér var stillt upp fyrir framan trönur með pensil úr svínahárum í annari og platta með olíumálningu í hinni til þess að ég myndi nú þegja á meðan konurnar kjöftuðu. Svo virðist sem mér hafi betur líkað talið en teikningin því ég geri víst meira af því fyrra í dag. Í kvöld fórum við móðir mín og faðir í leikhús og eftir sýninguna fengum við okkur ís. Þá uppdagaði ég að ég hef ekki hugmynd um hvernig venjulegir sunnudagsbíltúrar fara fram. Þegar ég var yngri fórum við í ísbúð þar sem ég og systir mín fengum vænan ís og síðan fórum við að keyra um. Við skoðuðum ljót hús, falleg hús, ljóta garða, kjánalega garða, bjánalegar innkeyrslur, illa hannaða lýsingu, ósmekkleg gluggatjöld, asnalega málingu o.s.frv. Ekki veit ég út á hvað sunnudagsbíltúrar hjá öðrum fjölskyldum ganga en ef að þær hafa einnig stúderað Breiðholtið, Garðabæinn, Grafavoginn, Kópavoginn, Árbæinn, Reykjavík, Seltjarnarnes og fleiri bæjarfélög út frá smekklegri hönnun þá er mér létt.

Egóbústið
Mig langar í...

... fullkomna spænskukunnáttu
... snúru í gettóblasterinn minn
... disk með Yeah Yeah Yeahs
... báða Harry Potter myndirnar á DVD
... son sem er ekki jafn vanþakklátur og sá gamli var
... gamal auglýsingar úr járni

Sól skín á Sjálfstæðismenn

Hér skal ekki rætt um pólitík.

Á föstudagin var ég ásamt Andra Eagles, Völu, Karól og Skördí að týna flöskur af borðum og setja vatn í könnur á skemmtikvöldi Selkórsins. Það var svo sem ekki merkilegt fyrir utan unga drenginn á barnum sem sýndi og sannaði að leðurbuxur eru last season. Það var líka nokkuð gaman að heyra tíu blindfullt eldra fólk syngja rammfalskar og vitlausar útgáfur af lögum eins og Hjá lygnri móðu, Sofðu unga ástin mín og Stóðum tvö í túni.

Til Skúlafs
Til mín aftur, viltu koma
málið er í rannsókn.
Þú skalt núna hætta að vona
ef settir x við Framsókn.

Egóbústið
Mig langar í...

... heimagerða ljóðabók eftir Skúla sem á að heita "Móðir mín kjarnakonan", "Ragnheiður undurfríð" eða álíka.
... stærra herbergi
... ekki í kerti, sápur úr Body Shop, hálsmen eða snyrtidót
... málverk eftir gefanda
... fullt af nýjum fötum

Að vera fátækur

Ég á 33.4 kr inn á bankareinkning (sorrý Kalli að ég laug um 13 krónurnar). Það er síður en svo eins slæmt og ég hélt það myndi vera. Ég var viss um að ég myndi ráfa um með ónýtan hatt, í rónaúlpu og stórum gallabuxum og betla pening. Ég á reyndar hvorki rónaúlpu og gallabuxur né pening fyrir því svo að ég varð að láta þann draum fjúka. Ég hef ákveðið að deila fátækrarviskunni með ykkur, kæru lesendur, en bendi þó á að í mörgum tilfellum þarf maður að vera fátækur námsmaður í heimahúsum, eða eiga akkúrat fyrir leigu, mat, tölvu og ADSL tengingu. Ég hef lært að...
... það er gott að eiga sína eigin esspressóvél.
... það er betra að leigja gamlar spólur. La Vita é Bella er t.d. miklu betri en Sweet Home Alabama og ódýrari.
... í mörgum sjoppum er nammi á 50% afslætti á laugardögum.
... það er ódýrt (og ólöglegt) að ná í lögin sem maður vill eiga á netinu. Hér er t.d. mikið að (ó)löglegum forritum til þess að stunda þessa iðju.
... það er betra að eyða 260 kr. í kaffi á kaffihúsi og skoða þar nýjustu blöðin í stað þess að eyða 50.000 kr. í að kaupa þau öll.
... það borgar sig að safna klinki, líka 1 kr.
... það er gott að eiga vini sem bjóða manni á kaffihús.
... það er gaman að eiga vini sem eiga heitan pott.
... það borgar sig að taka miða á Subway, ef maður á pening til þess að versla þar.
... á netinu má finna ýmsar síður til að gleðja augað, ljósmyndasíður, hönnunarsíður og skósíður.

Ég hef linkað á Mary Ellen Mark hér til hliðar og skammast mín fyrir að hafa ekki gert það fyrr. Mary Ellen Mark er uppáhalds- og jafnframt átrúnaðarljósmyndarinn minn. Hún er ótrúlegur ljósmyndari. Ástarþakkir og hundrað kossa fær Svanhvít fyrir bókina.

Egóbústið
Mig langar í...

... myndina af litla stráknum þar sem maður trúir því að hann labbi út úr myndinni eða blikki mann.
... einhverja aðra mynd eftir Mary Ellen Mark
... allar bækur eftir Mary Ellen Mark, þ.á.m. A Cry for Help
... Mary Ellen Mark

Enn meira..

Kommentið hans Steinars fékk mig til að hugsa. Ég hef heyrt um Sjálfstæðiskonur, þær halda kaffiboð og baka pönnsur eða so it seems (eins og Kaninn segir). Ég hef líka heyrt um Framsóknarkonur sem hittast í þjóðbúningum og fá sér rauðvín, það var allavega þannig í xB blaðinu sem kom í dag. En ég hef ekki heyrt um neinar sérstakar Vinstri Grænarkonur, Samfylkingarkonur, Frjálslyndakonur eða Ný Aflskonur (eða neitt um Nýtt Afl yfirleitt, en það er önnur saga). Hvers vegna er það? Æ ég veit ekki, kannski vegna þess að konur í þessum flokkum fá að fara í almennileg framboð eða kannski eru þessir flokkar bara svona ömurlegir að vilja ekki stofna sérstaka saumaklúbba handa konunum? Eða kannski eru alveg til xS saumó, xU saumó o.s.frv. og mér hefur bara enn ekki verið boðið (eins og xD og xB hafa verið dugleg að gera). Jæja nóg um pólitík í dag.

Þegar ég fæ heimsóknir frá Google þá koma þær aðallega af orðunum 'Ungrú Ísland.is', 'amerískar pönnukökur', 'pönnuköku uppskriftir' og 'brjóstastækkun'. Mér finnst það síðasta skemmtilegast, sérstaklega þar sem ég birtist bæði undir 'brjóstastækkun' og 'brjóstastækkun pillur' Fastir lesendur vita hvers vegna, hinir verða að fara á Google.com og leita

Egóbústið
Mig langar í...

... ferð út í geim
... tvær milljónir í 1000 köllum
... nýtt seðlaveski
... vinstri stjórn á Íslandi

Af fjölmiðlum

Ég skil ekki auglýsingar frá búðum sem selja föt í stórum stærðum. Í auglýsingunum frá þeim þá er alltaf mjög venjulegt, grannt fólk sem er í fötunum. Útkoman er því eins og ungabarn í fötum af mömmu sinni. Svo er eins og fólk haldi að allar konur í yfirstærð séu hippar sem vilja bara ganga í náttúrulituðum hörefnum. Ef að ég væri aðeins yfir meðallagi (hvað er það nú í dag?) þá myndi ég sko ekki versla í þessum búðum!
Í dag fékk ég bréfið frá Dabba og blað með frá xD. Í blaðinu er t.d. mynd af Ungfrú Já, Herra Í Svörtum Fötum og dóttur þeirra og höfðu þau hent öllu dóti hnátunnar mjög snyrtilega fram í stofu. Þetta var til þess að minna fólk á að D-ið ætlar víst að hækka barnabætur. Það sem ég skildi ekki var að það var kveikt á sjónvarpinu og þar var stillt á PoppTíví. Hvaða foreldrar leyfa 3-4 ára barni að horfa á Popptíví? Ja Fussumsvei!
Mamma mín hló heilan helling þegar Davíð var spurður að því um daginn hvort að skattalækkanir ættu bara að koma ríka fólkinu vel. Þá segir Davið "Já þú mátt nú ekki taka þetta út úr samhengi því að við ætlum líka að lækka virðisaukaskatt á matvörum" Þá varð mamma mín hugsi, hló svo og spurði hvort að ríka fólkið þyrfti s.s. ekkert að borða. Í blaðinu mínu nýja er mynd af einhverju fólki sem er búið að týna til allan matinn í húsinu og setja hann á eitt borð til þess að leggja áherslu á lækkun matarskattsins. Nú spyr ég, er eðlilegt að 4 manna fjölskylda eigi sjö lítra af mjólk? Á mínu heimili er alltaf til einn! Og í Fréttablaðinu fær xB hrósið fyrir skemmtilegar sjónvarpsauglýsingar. Og ný spyr ég, hvaða skemmtilegu auglýsingar? Ég hef nú bara séð niðurlægjandi auglýsingar fyrir okkur ungviðið. Halda því fram að við kunnum ekki á bensíndælu! Ja, fussumsvei!

Annars er það að frétta að ég keypti mér skó á 738 kr. í gær. Þeir eru hvítir úr plasti og alveg gríðarlega flottir. Og þar hafið þið það.

Egóbústið
Mig langar í...

... kokkabók sem heitir "The Soprano Family Cook Book" eða eitthvað svoleiðis.
... risastóra ljósmyndabók sem heitir Art Of Photography.. eða eitthvað svoleiðis.
... nýja myndavél, manual, með flassi og a.m.k. fjórum góðum linsum.
... myrkraherbergi með öllum græjum.
... óendanlega inneign í plötuverslunum og bókabúðum landsins

Bragi þetta er sko afmælisleikur hér á síðunni en ekki í tísku. Hermikráka

Topp 10 listinn yfir það sem maður gerir þegar maður á að vera að læra

1. Bloggar, les önnur blogg, fer í persónuleikapróf og talar við fólk í útlöndum og fólk sem á líka að vera að læra.
2. Tekur til í herberginu sínu.
3. Raðar öllum geisladiskunum í flokka og síðan í stafrófsröð.
4. Horfir á sjónvarpið, þ.m.t. allar vídjóspólur sem til eru á heimilinu, í þeirri trú um að enska læknamyndin sé í raun lærdómur því enskan sé góð fyrir enskuprófið og læknaheitin fyrir líffræðiprófið
5. Endurraðar öllum myndum í rétta í tímaröð og setur þær lausu í myndaalbúm
6. Borar í nefið
7. Leitar að lögum á netinu sem maður man ekki hvernig eru með hljómsveitum sem maður man ekki hvað heita
8. Endurles bókaflokka eins og Harry Potter
9. Eyðir ómældum tíma í að horfa dreymandi út um gluggann eða á veggina í húsinu
10. Týnir til allt klink til þess að kaupa nammi svo maður geti nú lært. Leigir svo óvart vídjó og kaupir nammi fyrir afganginn.

Egóbústið
Mig langar í...

... Eru ekki allir í stuði? eftir Doktorinn sjálfann.
... heimatilbúin geisladisk með heimatilbúnum lögum.
... heimatilbúin geisladisk með ógurlegum partýlögum.
... miða á Hróarskeldu 2003 (og ef ég fæ ekki flugvél og einhvern til þess að fljúga henni þá vil ég flugmiða til Danaveldis og lestarmiða frá Köben til Hróarskeldu líka).
... iPod, helst þessa týpu

Ég er nú ansi hrædd um að þessi stúlka lengst til hægri sé hún Skördí fyrir svona einu og hálfu ári síðan. Ég er nú hræddari um að þetta sé ég og Skúli Margrétarmaður á sama tíma (og með allt þetta áfengi og er ég að gefa fokkjú merkið eða hvað?). Ég er þó hræddust um að þessir piltar séu þeir Hjörtur, Kobbi og Pétur, stuttu eftir að ég keypti þá á busauppboði. Þá voru þeir ennþá ungir og saklausir og léku sér í 10-20.

Egóbústið
Mig langar í...

... a.m.k. eina milljón í beinhörðum peningum
... flugvél og einhvern til þess að fljúga henni
... nýtt útlit á þessa hommsubláusíðu
... digital myndavél, ekki Kódak

Eftir stærfræðiprófið áðan sá ég þrjá fugla slást á himninum. Einn krummi og tveir fuglar í minni kanntinum. Litlu fuglarnir voru á móti krumma gamla og flugu ótt og títt í átt að honum á meðan hann flaug á maganum og bakinu og vatt sér í hina og þess átt. Ef að fuglarnir hefðu ekki verið að gogga í hann þá hefði ég nú barasta haldið að krummi væri að æfa listflug.

Þegar ég kom heim þá höfðu Siv og Palli sent mér hamingjuóskir í tilefni þess að nú hef ég hlotið kosningarrétt. Þau telja mig greinilega rosalega andfúla vegna þess að með hamingjuóskunum voru heil ósköp af einhverju sem bragðast eins og Smint. Kannski vilja þau bara kyssa mig, því eins og maður segir, enginn Framsóknarmynta, enginn koss.

Næst á dagskrá
Ég hef ákveðið að með öllum færslum næstu daga mun fylgja lítill listi sem mun heita Egóbústið og mun greina frá þeim hlutum, raunsæjum og óraunsæjum, sem ég girnist í afmælistgjöf. Svo á afmælisdeginum sjálfum mun ég safna saman öllum hlutunum og birta þá sem heild. Þegar ég held svo upp á afmælið þá mun sá, sem er með flesta hluti af listanum, fá verðlaun, eina brúnkökusneið eða svo.

Egóbústið
Mig langar í...

... rjómahvíta Renault Daphne 1962 sem boðar sumarið hjá mér. Hann er til sölu.
... Amélie geisladiskinn og myndina á DVD
... litla ávaxta- og súkkulaðibúð á Spáni, ítalíu eða Frakklandi
... rauðu skóna í Kron

Andvaka síðustu nótt

4.30 Eftir þrjá tíma hringir vekjaraklukkan svo að ég geti haldið áfram að læra stærfræði. Ég sit og skoða sníðablöð og velti því fyrir mér hvort að ég vilji vera í dressi með "Amsterdamkeim" á útskriftinni.
5.00 Amsterdamdressið er off. Í huganum er ég að keppa í fyrsta borðinu í Súper Maríó Bros 1.
5.30 Tveir tímar í klukkuna. Hef hafið lestur á bókinni "Truly Tasteless Jokes". Dæmi: Læknir tilkynnir nýbökuðum föður að barnið hans hafi fæðst án fóta og handleggja. "Það er allt í lagi, mér skilst að það gerist kraftaverk í gervilimabransanum í dag" segir faðirinn. "Tja, það er ekki allt" segir læknirinn "barnið er ekki með neinn líkama". "Já, mér er alveg sama. Við hljótum að geta gert það hamingjusamt." segir faðirinn. Læknirinn heldur áfram "Ja sjáðu til, barnið þitt er í raun bara eitt stórt eyra" "Ég og konan mínum gerum það besta úr því. Tónlist og fleira hlýtur að geta glatt það" segir faðirinn. "Já," segir læknirinn "það væri hægt ef að það væri ekki líka heyrnalaust".
6.00 Búin að vinna Súper Maríó Bros 1 fjórum sinnum, án þess að svindla.
11.00 Fokk sjitt fokk sjitt fokk sjitt! Tveir tímar í próf! Helvítis vekjaraklukka!

Þegar ég verð stór...

...þá ætla ég að flytja til Frakklands, Ítalíu eða Spánar og opna ávaxta- og súkkulaðibúð. Aðalviðskiptavinir mínir verða gömul kona með lítill hund sem heitir Sweetie og ungur maður sem er leynilega ástfanginn af mér. Gamla konan mun miðla allri sinni visku til mín, svo kann hún líka að galdra smá. Ég ætla bara að vera í fivtís fötum og ég mun eiga ein 200 skópör. Þegar ég eignast kærasta þá verður það eins og í Amélie og allir litir í heiminum verða mjög bjartir og skýrir. Hurðin inní húsið mitt verður eldrauð og hurðarhúnninn verður staðsettur á henni miðri. Stiginn verður hvítur og bjartur með mósaíkmunstri og hurðinn inn í íbúðina mín verður græn. Ég mun eiga lítinn hvítann kött sem heitir Mia og þvotturinn minn verður hengdur á snúru sem nær yfir í næsta hús. Pestó, baguette, súkkulaði, ávextir, gott kaffi, rauðvín og ostar verður alltaf til í eldhúsinu mínu og ég verð alltaf syngjandi. Þá verður gott að lifa.

Af stjúpforeldrum

Ég, mamma mín og systir fórum á pizzastað hér í bæ ekki alls fyrir löngu. Á borðinu við hliðina sat ansi skemmtileg fjölskylda. Það var hún Vala (hún hét það í alvöru), Andri kærastinn hennar (hann hét örugglega Andri) með son sinn Ólíver (hét örugglega Ólíver Máni/Dagur/Aron). Einnig voru með í för tvö börn Andra af fyrra hjónabandi. Þau verða ónafngreind. Vala laggði sig mikið fram við það að vera skemmtileg stjúpmóðir. Hún var t.d. í Britney Spears bol og var að kenna stjúpdóttur sinni hvernig maður á að mála sig fyrir fermingu auk þess sem hún sagði "Ertu að grínast? Vá GEÐVEIKT þúst!" í öðru hverju orði. Þetta þótti okkur, kjarnafjölskyldunni, einstaklega skondið. Talið barst að fráskildum foreldrum seinna í vikunni yfir kaffibolla hjá frænku minni. Frænka mín er gift sjómanni og síðast þegar hann hélt út á sjó var einn sjómaðurinn með nýju konuna sína með sér. Hún lagði sig líka mikið fram við að vera skemmtileg, talaði ofurblíðlega við barnið og dró það að bryggjubrúninni til þess að barnið gæti skoðað sjóinn. Frænka mín sagði að ef að þetta hefði verið hennar eigið barn hefði hún örugglega sagt, mjög háum og höstugum rómi: "Viltu gjöra svo vel að kyssa pabba þinn, fara inn í bíl og vera þar. Það er stórhættulegt að liggja þarna á bryggjunni góði minn, þú gætir dottið í sjóinn og steindrepist!".
Þess má einnig geta að vinkona mín á litla hálfsystur. Þegar hún var í 7 ára bekk var aðeins einn í bekknum sem átti ekki fráskilda foreldra. Öll hin börnin vorkenndu þessum eina rosalega mikið vegna þess að hann fékk svo lítið af pökkum á hátíðisdögum og kannski bara tvö páskaegg. Tja, þetta líf!

Af fóbíum og flugum

Einhverjum barst það til tals að nú væri tími til þess að rita um flugur og fóbíur. Ekki vil ég missa af lestinni og hefst nú lesturinn.
Ég er ekki jafn viðbjóðslega hrædd við flugur og Marta. Ég er ekki hrædd við býflugur, randaflugur, fiskiflugur eða hrossaflugur. Mér er hinsvegar mjög illa við geitunga. Verst af öllu þykir mér þó helvítis moskítóflugurnar og er ansi fegin að hér, á voru ísa kalda landi, finnist kvikindin ekki. Ekkert þykir mér verra heldur en að leggjast til svefns og heyra þá lítið hátíðnisuð. Hægt og rólega þarf að rísa upp, taka sér "Flying Insect Killer - Triple Killing Power" í hönd og hefja störuna út í loftið. Þegar loks er komið auga á villidýrið þarf að elta það hægt og rólega og svo, án viðvörunar, sprauta miklu magni af eiturefnum í þeirri von um að dýrið muni látast kvalarfullum dauðdaga. Þegar ég var í Egyptarlandi þá elskuðu moskítóflugurnar mig. Þær fögnuðu skjannahvítu konunni sem hafði andað að sér hreinu fjallalofti og drukkið bergvatn allt sitt líf. Blóðið í henni var svo tært og bragðmikið að á örfáum dögum barst orðið á milli og allar moskítóflugur Egyptarlands flykktust að til þess að prófa nýja góðgætið. Það er skemmst frá því að segja að ég límdi saman hendurnar til þess að klóra mig ekki til blóðs og oft fékk ég spurninguna "Gvöð, ertu með hlaupabólu?" (spurt á ensku með arabískum hreim).
Af fóbíum er þó aðeins þrennt að segja. Mín versta fóbía (og það vita þeir sem umgangast mig) er brak í puttum, baki, hálsi og örðum líkamshlutum. Því er haldið fram að hægt sé að pína mig til dauða með því að láta mig hlusta of lengi á brak. Það er örugglega rétt því að mér hryllir við tilhugsunina. Ég er líka mjög hrædd um að keyra á ketti. Ég er ekki hrædd um að keyra á börn eða fólk, bara ketti. Svo er ég hrædd um að fuglar kúki á hausinn á mér. Það er líklegast vegna þess að Siggi T. lenti eitt sinn í því að fuglarnir héldu að hann væri ferðaklósett og mörgum sinnum (fjórum ef ég man rétt) á mjög stuttum tíma kúkuðu þeir á hann. Ullabjakk!

Það er mikil gúrkubloggtíð

Þetta á einungis að koma á framfæri minni miklu ást á Júróvísjón og hversu mikla kunnáttu ég hef á því sviði. Takk fyrir
Ég vil hlusta á sing-along lög, sérstaklega þegar ég er ein í bíl eða ein heima og get því sungið hástöfum með. Í morgun stillti ég á Íslensku stöðina og það fyrsta sem ég heyrði var íslensk rómantísk útgáfa af norska poppjúróvísjónlaginu 1997. Það skal taka fram að þetta júróvísjónlag náði aldrei langt né átti miklum vinsældum að fagna. Í norska laginu segir "Og du kom og du sa og du van mitt liv" en hið íslenska, sem flutt er af englabossanum og hrokkagikknum Hr. Rósinkrans, fjallar bara um einhverja Silju. Norski söngvarinn var þó allavega sætur (a.m.k. þegar maður var 14-15 ára). Næsta lag sem ég heyrði var svo um mann og gamla konu inni í kústaskáp. Ég skipti bara og setti á Strokes..


You are...Leonard! Kind of an arty-farty guy, but
you're still very loveable and sexy, although
your hair is getting thin and your tummy is
getting bigger. You also have a career as an
ex-skater and a chess-champion! Awesome!


Which transgressive funker are you?
brought to you by Quizilla

Jeij loksins einhver sem er Leó (OK, ég svindlaði pínulítið!).

Helvítis djöfulsins andskotans

Á Íslandi tíðkast ekki að vera kurteis við viðskiptavini. Nei, það er eitthvað sem daninn Korteisis Kortesen gleymdi þegar hann kom hingað til þess að kenna vorri ástkæru þjóð þjónustulund. Í dag þurfti ég að fara í Kringluna, niður í bæ, í Ármúla og aftur niður í bæ í leit að einni konu. Og þeir einu sem voru almennilegir voru hommsurnar sem vinna í Kringlunni. Megi Gaylord blessa þá. Þega ég loksins fann konuna var læst inn á skrifstofuna hennar og maðurinn sem kom til dyra var alveg hreint afskaplega pirraður að þufa að standa upp frá hotmailnum sínum til þess að hleypa mér inn. Stelpa í ónýtum sokkabuxum, með friðaráróður á jakkanum og gamla útivistartösku á hlið! Oh please! Afhverju gat þetta fólk bara ekki skilið að ég var bláfátækur námsmaður sem þráði ekkert meira en að komast inná Kaffitár til þess að kaupa beyglu með rjómaosti og Latte fyrir 700 kr. sem mér hafði tekist að skrapa saman? Afhverju skildi þetta fólk ekki að ég hafði ekkert etið né drukkið allan dagin? Afhverju skildi þetta fólk ekki að risabókin sem ég hélt á var stærfræðibókin mín sem kallaði á mig "Þú ert aumingi, þú lærir aldrei"?
Ég hélt sár og aum á Kaffitár eftir mikla fýluferð. Ég bjóst við því að Hugrún (konan sem að ég leitaði ákaft) myndi faðma mig og kyssa og þakka mér fyrir að ganga í gegnum allt sem ég þurfti að ganga í gegnum (hér sest ég niður og græt sáran, stórum, söltum tárum).
Dagurinn bjargaðist þó. Björg (Mummi), mannstu eftir sæta stráknum á Kaffitár? Hann er kominn aftur. Ég er viss um að hann elskar mig leynilega. Annars hefði hann ekki farið þrjár ferðir til þess að hreinsa borðið mitt.

Tileinkað málfarsvillum

Ég vill fá tsjútling.
Þetta hevbergi er mjög óhreint.
Ég þvoli ekki undarleg skordýr.

Til allra tengdum einhverjum Skúla
Ég er búin að breyta þessu með nöfnin. Á meðan á þessum herlegheitum stóð eyðilagðist síðan mín tímabundið og varð að stórum ljótum kössum með linkum. Það tók langan tíma að laga það, það var mjög erfitt því að ég skil ekki html, en það tókst að lokum. Ég fer að gráta og hoppa fram af sólpallinum (það eru sko heilir 60 cm. niður á jörðina) ef að þið kvartið meira. En ég elska ykkur nú samt.

Ég mæli með...

... stefnumóti með Michael Moore
Ég get allavega ekkert sagt nema að það er rosalegt. Ég hef ekki grátið í bíó síðan á Titanic en í kvöld breyttist það. Auk þess hló ég, sat agndofa og hneykslaðist. Allir eiga að sjá þessa mynd, takk fyrir.
... appelsínugula hlutanum í gulum melónunum
Bragðið er sætt, melónan er mjúk, upplifunin er himnesk og maður verður ekki of saddur.
... þessari síðu
Þ.e.a.s. þegar hún opnar. Þarna er hann Alli frændi minn að taka myndir.


Ég mæli ekki með...

... súkkulaðiplástrum
Öll höfum við heyrt um nikótínplástra. Þessir virka eins nema fyrir þá sem eru háðir súkkulaði. Þvílíkt rugl og endemis vitleysa
... litlum lærdómi
Sálarangistin sem fylgir á eftir öllu djamminu er svo sterk að maður trúir því næstum að þetta hefði kannski ekki borgað sig.

Ef að ég væri 6 ára þá væri ég núna að gráta vegna þess að ég væri handviss um að tannálfurinn væri að koma með risastóran bor og ætlaði að bora úr mér allar tennurnar. En ég er ekki 6 ára svo að í staðinn ligg ég afvelta og engist um af öllu namminu sem ég er búin að borða. Nammilúja!

Ég er búin að breyta tenglunum mínum. Stal líka nafninu Hall of Fame frá Skúla eldri en ég ætla ekki að hafa áhyggjur af því vegna þess að hann bloggar aldrei. Nú ætla ég að slétta á mér hárið fyrir stefnumótið mitt með Michael Moore á eftir kl. 20.00 í Regnboganum.

Af dimitöntum og fleira

Ekki get ég sagt að ég skilji til fullnustu færslu gærdagsins. Ég man ekki sterkt eftir því að hafa lyktað eins og gras og þó man ég nú margt. The Human Cannonball hélt, ásamt félögum sínum úr Sirkus MH, niður í bæ eftir dimmisjón í skólanum sjálfum. Ber helst að nefna ljósmyndara sem stoppaði á umferðareyju til þess að ná myndum af okkur og blessuðu fallbyssuna mína sem ég skildi ekki eftir, þrátt fyrir miklar bænir annar sirkusmeðlima. Ég einfaldlega sá ekki tilgangin í því að búa til þessa líka fínu fallbyssu og nota hana svo einu sinni. Ég var líka ansi hrædd um að fólk myndi ekki skilja hvað ég væri, þ´vi án fallbyssunnar var ég nokkuð óljós. Auk þess var fallbyssan mjög rúmgóð og máttu sirkusmeðlimir geyma hvað sem þeim listi í fallbyssunni. Ef einhver hefði innbyrgt of mikið magn áfengis þá hefði einfaldlega verið hægt að skella honum ofan í tunnuna í stað þess að skilja hann eftir. En það gerðist nú ekki, sem betur fer. Ekki skal farið í smáatriði bæjarferðar sirkusins, nema það eitt að það var gaman.
Eftir pottaferð og smá lúllerí hjá Karól, héldum við stöllur, hnífakastarinn í dulargervi fimleikastúlku og mannlega fallbyssukúlan, í fyrirpartý þar sem bjórinn var teigaður af miklum móð, líkt og hafði viðgengist allan daginn. Eftir Dimmisjónball, rölt á milli bara og mörg "nei stelpur mínar, þið eruð ekki nógu gamlar" fórum við heim að sofa. Meiningin var að endast í 24 tíma en þeir urðu víst 22 og verður ekki annað sagt en að þetta hefi verið hin mesta skemmtun í alla staði.

Nú ætla ég að fara í sumarbústað. Ég vil benda lesendum á eitt af skemmtilegustu bloggum á Íslandi, Katrínarblogg. Þó hún gleymi stundum að blogga þá eru t.d. síðustu tvær færslur alveg hreint frábærar. Dr. Love og Katrín gera góða hluti.

Ég var að dimitera. Stjörnuljósið var lengi að brenna og ég beið lengi. Svo fór e´g niður í bæ og drakk bjór. Núna ætla ég að fara heita pottinn hjá Karól af því að ég lykta eins og gras (ég veit ekki afhverju, hef ekkert verið að velta mér upp´úr frási, aðallega aldið mig við gangstéttina..)

Bless bless og hafiði það gott um páskana.. Já ég fékk brot af pa´ska eggi áðan á meðan ég pómnudi litlu kisuna til þess að vera hjá mér. Æ greyoið!

Gleðilegt sumar

Ég veit að sumarið er komið. Þó að ég hefi labbað heim, sólin hafi ekki látið sjá sig og ég sé tilfinningarlaus í tánum og puttunum, þá veit ég að sumarið er komið. Sumarið hjá mér kemur með Renault Daphne 1962, rjómahvítum á lit og ávallt nýbónuðum. Maðurinn sem á hann setur hann alltaf út þegar honum finnst sumarið komið og þá kemur sumarið hjá mér. Á veturna þarf bíllinn að húka inni í bílskúr en á sumrin fær hann að standa úti á götu frá 12.00 til 22.00 á hverjum degi. Maðurinn sem á hann keyrir ekkert um á honum, nema þá úr innkeyrslunni og út á götu og svo aftur til baka. Í mörg ár hef ég plottað hvernig bíllinn getur orðið minn, sérstaklega eftir að maðurinn gerði mér óvart þann heiður að setja bílinn út á afmælinu mínu.
Hinsvegar koma jólinn hjá mér með uppháum kokkahúfum en það er önnur saga sem ég segi í desember.

Mér finnst tvennt mjög pirrandi. Þegar...
... maður er með fullan munn af fiski og kannski kartöfulum og finnur fyrir beini sem reynist svo mjög erfitt að finna.
... maður tekur of seint eftir því að klósettpappírinn er búinn.

Dýrahald

Margir eru að opna Justin Timberlake skápinn. Til hamingju kæru félagar!

Ekki skil ég öll þessi undarlegu dýr sem hafa verið hjá mér í garðinum síðustu daga. Fyrst ber að nefna öll þessi börn sem hlaupa um og henda boltum í stofugluggann. Í haust gerðist það svo að hvít kanína birtist hér í garðinum og hefur hún vanið komur sínar hingað. Um jólin kom í ljós að hún býr hér ská fyrir neðan og eigendurnir leyfa henni að vera lausri þegar hún vill. Mér finnst þessi kanína vitlaus. Kettirnir tveir, sem búa hér í húsinu og fá oft kattamat með kanínubragði, renna hýru auga til hennar og oftar en ekki þarf ég að spretta út í garð til þess að reka köttin burt og kanínuna heim. Þá hefur kötturinn sett sig í veiðihug. Við köttinn segi ég "Farðu heim og éttu það sem er nú þegar dautt fyrir þig" en við kanínu segi ég oftast "Vilt þú fara heim til þín góða og vera þar". Klukkutíma seinna er kanínan komin aftur og kattamaturinn liggur óhreyfður. Fussum svei. Þó gerðist hið stórmerkilega í gær að hvít rjúpa gekk hér þvert yfir garðinn, með fram húsinu, yfir götuna og upp í holt. Ég stóð gáttuð, horfði á og kallaði á hana móður mína til þess að sjá rjúpuna. Ekki vitum við hvert hún var að fara eða hvaðan hún kom, en svo mikið er víst að hún hljóp hér fram hjá og var enginn köttur frá okkur útivið til þess að ráðast á greyið. Sem betur fer!

Í dag er ég svo búin að fara marg oft ofan í bláa tunnu til þess að æfa dimmisjónatriðið.. meira af því seinna.

Í tilefni páskanna

Fékk einhver þennan málshátt í páskaeggið sitt?
Betri eru kynórar en tenórar

Mánudagur til leti

Í gær fékk ég ekkert páskaegg. Mamma og pabbi skulda mér samt 5 páskaegg því að systir mín fékk þangað til að hún flutti að heiman, þá 23 ára og ég fékk ekkert páskaegg í fyrra vegna þess að ég var í Þýskalandi (ó hvað það var ljúft). Ég hef heitið hinum ýmsu hlutum til þess að gera foreldrum mínum lífið leitt, t.d. að ganga aldrei alveg frá neinu (lyklana ofan á lyklaskápinn, glösin hjá uppþvottavélinni). Pabbi lofaði mér hins vegar í staðinn 10 páskaeggjum fyrstu páskana eftir að ég flytti að heiman. Svo að í gær ákvað ég að leigja sófann hjá systur minni og hennar kalli. Þau eiga líka sódastrímvél.

Í gær upplifði ég unglingsárin eins og flestir á mínum aldri sem horfðu á sjónvarpið. Ég sá Titanic fyrst í níubíói 1. janúar 1998, þá var hún frumsýnd á Íslandi. Ég grét og klappaði í bíó og hét því að flytja til Hollywood og giftast Leo. Já, þegar maður var ungur, saklaus og vitlaus! Í morgun fórum við Skördí svo í sund og rifjuðum upp gömul deit og annað, við ansi mikinn hlátur.

Hér má finna örfáar myndir úr síðasta kórpartýi, aðallega af friðarathöfninni og svo nokkrar af honum Mumma (Björg).
Hér er svo skemmtileg sería af mér.. og engum öðrum. Mér finnst hún fyndin.

Og Atli þú ferð ekkert í efri kassann nema þú bætir mér í kassann þinn! Það var díllinn!

Ég játa

Þessi feluleikur er að fara með mig, hann étur mig lifandi. Ég get ekki þagað yfir þessu lengur. Kæru lesendur, ég ætla að koma út úr skápnum. Nei ekki samkynhneigðaskápnum. Öðrum skáp sem ég veit að margir húka inni í og þora ekki út úr vegna fordóma í samfélaginu. Ég loka mig inni í herbergi og stunda þetta. Ég hef jafnvel lagst svo lágt að nota áfengi sem afsökun til þess að geta stundað þetta. Ef að ég er í gleðskap og fleiri eru í glasi þá játa margir að þeir eru í sömu tilvistarkreppu og ég. Þeir taka jafnvel þátt og draga aðra með sér sem ennþá hafa ekki viðurkennt að þeir þurfa að koma út úr skápnum líka. En ég er sterk og ég mun halda áfram að stunda þetta, sama hvað þið segið. Ég vona að fleiri fylgi fordæmi mínu og viðurkenni þetta fyrir sjálfum sér og öðrum. Þeir geta komið í sjálfshjálparhópinn minn sem hittist á laugardagskvöldum.


Kæru lesendur, já ég viðurkenni og opna skápahurðina með stolti. Ég fíla Justin Timberlake í botn!

Enn af kórpartýi...

.. þar var drukkið og dansað, þar var hlegið en lítið sungið. Og Skúlafur missti móður sína í götuna og telst þess vegna ekki sterkur og hraustur lengur.

"Við getum þetta ekki lengur"

Í gærkvöldi var brotið blað í mannkynnsögunni þegar sópranar og altar, sem voru í sameiginlegum gleðskap í Kópavogi ákváðu að veifa hvíta fánanum og semja frið. Eins og flestir vita, hefur stríðsástand staðið yfir í ein 35 ár. Margt hefur gengið á og margar sprengjur fallið bæði frá altahálfu og sópranahálfu. Í gærkvöldi ákváðu stúlkurnar hins vegar að nú skildi þessu ljúki. Haldin var helgi athöfn þar sem brennd voru hin ýmsu líkneski og aðrir munir sem stuðlað hafa að stríðsástandinu. Við náðum tali af ungri stúlku þar sem hún dansaði gleðidans á meðan brennan stóð sem hæst.

Hver var aðdragandinn að þessi stríði?
"Sko í rauninni vitum við það ekki. Okkur var bara sagt þegar við komum í kórinn að við ættum að hata hina kvenkynsröddina og halda uppi skítkasti um hana. Þegar skoðaðar eru dagbækur sórpana og alta frá byrjun þessa tímabils þá getur maður dregið þá ályktun að tvær stelpur hafi verið að rífast yfir bassa. Hann sagði þeim báðum að hann væri hrifinn af þeim þegar hann var í raun hrifinn af tenór allan tímann en var bara að spila með stelpurnar. Það er að sjálfsögðu rugl að við séum enn þá í stríði útaf einhverum strák. Við getum þetta ekki lengur. Í dag er það alveg þekkt staðreynd að tenór og bassi eiga vel saman."
Hvernig líður þér núna?
"Ég er alveg rosalega hamingjusöm. Loksins get ég farið út á götu án þess að þurfa að óttast að einhver ráðist á mig eða að ég verði fyrir aðkasti. Þetta er auðvitað búið að standa alltof lengi. Ég lít núna á allr stelpurnar í kórnum sem eina rödd, eða eins og segir í lagi sem var samið hér í kvöld. "Það er rödd sem er bæði djúp og há og hún heitir rödd kórs Menntaskólanns við Hamrahlíð""

Við hleypum henni aftur í gleðinni þar sem dansað var fram á rauða nótt og óskum stelpunum innilega til hamingju með áfangann.

Dýrindis dagar

Hér mun fara saga mín síðustu daga, þó verður aðallega greint frá öllum þeim mat sem kom við sögu.

Á þriðjudagsmorgun var kóræfingum og höfðum ég og Hildigunnur lofað að sjá um morgunmat fyrir þá æfingu. Á kínaskóm með páskaliljur í hendi, skunduðum við kl. 9.00 um morgun frá Fjölnisvegi niður í bakaríið í Suðurveri. Keypt voru 60 rúnstykki, 5 snúðar og 3 vínarbrauðslengjur. Því næst var haldið til kaupmannsins sem var í þann mund að opna. Þar festum við kaup á mjólk, appelsínusafa, pestói, gúrkum, tómötum, osti og smjöri. Síðan héldum við upp í skóla og hófumst handa við að leggja hvítan dúk á borð, setja veðurbörðu páskaliljurnar í vasa, skera hitt og þetta og raða snyrtilega á borð. Ég bjó til fallegt, en ætt, listaverk úr tómötunum og gúrkunum. Er talið að allir hafi haldið sáttir og saddir á braut og þykir mér hin mesta vitleysa ef einhver og einhver annar sem bjuggu til eiginkonulistann telja Hildigunni þá einustu í kórnum sem gerir góðan mat. Ekki að því hafi verið haldið fram einhver tímann, bara að fyrirbyggja misskilning. Nóg af því.
Eftir kóræfingu fórum ég of Yngvi að versla í matinn. Við keyptum sumt ódýrt og gott, og sumt mjög dýrt og gott. Til þess að allir skilji söguna til fulls er réttast að útskýra eitt áður. Veitingarhús geta fengið hinar svokölluðu Michelin stjörnur. Gefnar eru þrjár í það mesta. Yngvi er að vinna á Hereford og þar vinnur maður að nafni Pieter frá Belgíu. Hann kemur frá tveggja stjörnu Michelin veitingarhúsi í Belgíu. Það þýðir þá að veitingarhúsið telst "excellent cooking, worth a detour". Á mánudag hittum við hann á kaffihúsi til þess að spjalli um daginn og veginn yfir Latte og bjór. Áætlað hafði verið að halda Rokkfélagsmat í vikunni og vorum við í miðri ræðu að lofsama Rokkfélagið þegar Pieter segir "I am free tomorrow night. Would you like me to cook for you?" Á þriðjudagskvöldið vorum við rokkfélagar prúðbúin heima hjá Yngva, ég lagið á borðið, 4 gafflar, 4 hnífar, ein desertskeið, einn desertgaffall, vínglas og vatnsglas. Anna Pála straujaði dúk og skyrtu og í eldhúsinu stóðu tveir kokkar, annar lærður og tveggja stjörnu, hinn góður, og skáru grænmeti og annað. Að sjálfsögðu var skálað í kampavín á undan matnum. Til þess að allir geti skilið hversu yndislegur þessi matur var þá tel ég upp matseðilinn hér.
-Menu-
Réttur eitt
Grillaðar kjúklingabringur og ristaður humar með epla- og avókadósalati, káli með dressingu og kumquat rjómamauki
Réttur tvö
Ferskt spagettí steikt með rósarkáli, valhnetum og sveppum
Réttur þrjú
Ögnbakaður og grillaður ferskur túnfiskur með piparrjóma og fersku grænmeti með limesafa
Réttur fjögur
Marineraðar nektarínur (úr einhverju sem ég vissi aldrei hvað var), grillað brauð með camembert, kryddi og hunangsgljáðum ferskjum fíkjum.
Réttur fimm
Ferskur ananas í sósu úr skyri, rjóma, mascarpone og earl grey tei með ís og súkkulaði sósu
Rauðvín kvöldsins
Baron Philippe Merlot
--------------
Það hlýtur því hver að skilja að það voru ansi þreyttir rokkfélagar og sem settust afvelta og mjög saddir á sófann. Kokkurinn var hinsvegar í fullu fjöri og vildi fara út að dansa. Kaffið gerði ekki mikið gagn og ég og Anna Pála ákváðum að sofa í rúminu hans Yngva. Hann var svo þreyttur að sófinn varð hans náttstaður. Morguninn eftir þurftu Anna Pála og Andri að vakna kl. 8.00 til þess að fara í skoðunarferð um Bláskógarbyggð. Það er önnur löng saga en ég hófst handa við að taka til. Kl. 11.00 vakti ég Yngvi og heimtaði að hann myndi keyra mig heim því að nú væri húsið orðið svo hreint. Þess gerðist ekki þörf því móðir mín, hin yndislega, hringdi og bauðst til þess að sækja mig. Hún vildi endilega bjóða mér í húðmeðferð á snyrtistofu í Smáralind, ég berháttaði í bílnum og burstaði tennurnar. Svo að á miðvikudagshádegi lagði ég mig á meðan einhver kona fór silkimjúkum olíuhöndum og andlit mitt og hendur.
Í kvöld er svo kórpartý á sama stað og Rokkfélagsmaturinn var. Ískápurinn minn er fullur að freyðivíni og jarðaberjum fyrir stúlkurnar í kórnum. Gæti lífið verið ljúfara?

Þetta hefur verið viðburðarrík helgi og ekki verða fleiri orð höfð um hana.

Af deginum í dag ber helst að nefna að Nanna Hjaltamamma hefur gjörst svo hugljúf að hlekkja á mig og þykir mér það með eindæmum mikill heiður. Megi hún mikla þökk hafa fyrir það.
Einnig ber að nefna að ég fór niður í Andaskítsgarð (eða Hljómskálagarð) í dag með ritstjórn Beneventum til þess að taka af þeim nokkrar myndir. Þau vildi ólm leggjast í andaskítinn til þess að taka mynd eins og er alltaf á öllum plaggötum fyrir Hárið en sem betur fer hættu þau við það. Í staðinn klifruðum við upp á skúr og frömdum nokkur áhættuatriði, t.d. stóðu þau öll fyrir neðan skúrinn og ég stökk niður og þau gripu mig. Einhvernveginn fannst mér þetta öruggara en að príla afturábak niður, kannski vegna þess að ég var í pilsi.

Bloggstríði við Inga er nú lokið. Aðallega vegna þess að ég fann ekkert ljótt um hann að segja (mér fannst tussa eða pjölla ekki viðeigandi) og vegna þess að fyrsta setningin var sú eina sem að ég meinti. Ég veifa því hvíta fánanum hér með.

Bloggstríð

Fyrir fjórum dögum hófst bloggstríð við Inga. Þar sem að ég hef ekki ritað neitt um það þá skulda ég fjórara vondar setningar um Inga og hér koma þær

1. Ingi er ljótur þegar hann er ekki með skegg
2. Hann er líka ljótur þegar hann er með skegg
3. Bílinn hans Inga er alltaf skítugur og ógeðslegur
4. Bloggið hans Inga er leiðinlegt og þurrt

Það má aldeilis segja að þungu fargi sé af mér létt. Fylgist spennt með því að það kemur meira seinna (ein setning fyrir hvern dag!)

Í gær var næntísball MH. Það var ansi gaman og má með sanni segja að margar eldri stúlkur hafi svo sannarlega nýtt sér þetta síðasta ball þeirra til þess að bæta upp fyrir síðuðstu ár.

Þakkarlisti
Yngstu strákar MH fyrir að vera sætir og samvinnuþýðir
Aðrir strákar MH sem gáfu nógu mörg stig
Anna Pála, Anna Tryggva, Hildigunnur, Inga Lára og Írene fyrir samkeppnina
DJ-amma, Ass of Bass og The Musicians fyrir einstaklega skemmtilegt tónlistarval
Verðandi forseti fyrir mörg stig
Free Style danshópurinn Döðlukunturnar fyrir glimmerið

Fréttayfirlit

Á föstudaginn las ég upp tölur á kosningavökunni, einnig tók ég boybandlag með Kára forseta vorum og sá rass. Okkur Hildigunni fannst það mjög fyndið. Síðan fór ég á pínu skrall og hitti Bolla, sem hét í raun Ketill og hitta líka klósettvörð í hlutastarfi.

Á laugardaginn fór ég til Akureyrar með Kórnum. Ritað verður meira um það seinna en hér verður getið lágpunkta og hápunkta...
Lágpunkturinn var þegar 96% kórsins fékk sér bakaðar baunir í kvöldmat og mátti finnast langar leiðir á lyktinna eftir það hvar kórinn var staddur, hverju sinni.
Hápunktarnir voru tveir. Þegar við fengum dýrindis málsverð í VMA (sem er mun betri en MA) og svo þegar við Skördí fórum í sund, sýndum listdans í rennibrautinni og sýndum fólki hvernig á að setja sundbol upp í rass til þess að renna hraðar.. allar fjölskyldurnar sem voru í sunnudagssundferðinni sáu það líka.

Í dag gerðist svo ekkert merkilegt. Ég sá reyndar að einhver var að kvarta á kommentum hér fyrir neðan. E.t.v. verða lagfæringar gerðar seinna, en ég vil bara benda á það að það þýðir ekkert að kvarta yfir að vera ekki með link á réttum stað og ég fæ ekki svo mikið sem lítinn link!

Ég hef heitið því að grýta hvern þann karlmann sem talar meira um þjöppun á lufsum, að skíta í beyglur eða einhvern annan ósóma. Eru virkilega til fleiri en þrír strákar í heiminum sem að finnst þetta fyndið? Þeir gefi sig þá vinsamlegast fram hér (ég skal ekki grýta þá).

Þar gala gaukar, þar vaxa laukar...

... hver kann svo restina af setningunni í þessu ljóði. Mig sárvantar hana og bið um hjálp (vinsamlegast kommentið ef að þið kunnið afganginn).

Annars er það helst að frétt að ég lifi í alsnæktum í pólitík skólans. Ég fæ nóg að borða og drekka, í mig er dælt skemmtiefni og pappír festist iðulega við skóna mína sem gerir það að verkum að skósólinn eyðist minna. Lifi kosningavikann. Já og margt skemmtilegt getur átt sér stað í kosningavikunni. Hér eru tvær sögur..

Brandarablaðið er gefið út af Uglu og Iris the Virus. Það er afar skemmtilegt blað og fá þær báðar Plöggorðu fyrir að endurvekja MH andann. En sagan er s.s. þessi: Á fyrsta tölublaði Konsingabrandarablaðsins var forsíðan eitthvað á þessa leið:

Athyglisverð fólksfækkun á Íslandi?
Haft eftir forsætisráðherra um stríðið í Írak á nýafstöðnum landsfundi Sjálfstæðismanna
,,og við íslendingar höfum tekið afstöðu í þessu máli..."

Kosningaráróður er gjarnan hengdur á hverja tröppu í stiganum upp að Miðgarði. Þessi kosningaráróður á þó oft til að losan og flækjast fólki um fætur. Slíkt gerðist í fyrra þegar ungur ónefndur drengur varð fyrir því óhappi að flækjast í einum slíkum, detta og puttabrotna. Reiður, með gifsi á putta, fór hann að leita að meðlimum framboðsins sem báru ábyrgð á flækingsáróðrinum. Hann fann slíka stúlku þar sem hún stóð á tali við mig og otaði ákaft gifsputtanum að henni á meðan hann tilkynnti hátt og snjallt að framboðið hennar myndi ekki fá hans atkvæði. Nei, hann ætlaði sko að kjósa hitt framboðið sem var ekki að stórslasa fólk hér í skólanum. Oh hvað ég var glöð að hann puttabrotnaði og ákvað þess vegna og kjósa mig og mitt framboð!

P.S. ég tek ekki ábyrgð á stafsetningarvillum, það gerir hver sem vill

Staðreynd eitt
Það kom enginn á tónleikana mína í gær. Skamm, þið misstuð af miklu!

Staðreynd tvö
Pjölluverðlaununum er breytt hér með. Undarlegustu kynnarnir eru að sjálfsögðu Ellý Einhversdóttir og Þorsteinn Bachman sem stóðu sig eins og mörgæs og heftari á kynningu söngkeppni framhaldskólanna 2003. Nýr flokkur, þreyttasti selebinn, hefur hafið göngu sína og hlýtur Birgitta Haukdal þann heiður með 120% atkvæða. Leyndir sigurvegarar sem áttu að vinna að mati allra annara en dómnefndar er einnig nýr flokkur og hljóta Andri og Skördí, ofursvala fólkið með meiru þann heiður.

Staðreynd þrjú
Hver ruslatunna heimilisins er yfirfull af snýtubréfum útötuðum í líkamsvessa. Ég hef eyttt heilum regnskógi í að snýta mér og mun planta trjám í sumar.

Staðreynd fjögur
Samkvæmt Braga á George Bush stóra kartöflu í staðin fyrir haus. Ég hef kannað málið og þetta er satt.

Staðreynd fimm
Sýning á myndinni Independence Day var afar óviðeigandi á laugardagskvöldið. Bandaríkjamenn eru hetjur og bjarga heiminum, forsetinn þeirra er ávallt góður, hugrakkur og heill maður (vondi kallinn er að sjálfsögðu varnarmálaráðherra). Af einhverjum ástæðum kom Írak þó nokkuð við sögu, þó að það kæmi söguþræðinum ekkert við. Fussum svei, ekki vissi ég að Bandaríkjamenn ættu hluta í RÚV.

Staðreynd sex
Einu sinni þjónaði ég fólki frá Varnarmálaráðuneyti Íslands. Það á víst ekki að vera til, það hef ég allavega haldið til þessa. Ég lenti í heiftarlegu rifrildi við Önnu Pálu og Yngva útaf þessu (rifrildið samanstóð af "Nei það er ekki til" "Víst" og endurtekningum). Þrátt fyrir að það sé ekki til þá komu nú samt 10-15 manns sem sögðust vera frá Varnarmálaráðuneyti Íslands og 10 Bandaríkjamenn af vellinum út að borða til mín. Þau drukku mikið og svo var reikningurinn sendur á Varnarmálaráðuneyti Íslands. Ég var nýfarin heim þegar reikningurinn var gerður upp og samstarfskona mín sá ekkert merkilegt við Varnarmálaráðuneyti Íslands og tók því ekki eftir heimilisfanginu. Ég er enn að leyta frekari sannana.

Koff Koff

Allt fyrir ofan axlir er fyllt af sýklum. Ég er reyndar ekki með eyrnabólgu, en kvef, hálsbólgu og vírus í augunum. Mér finnst fólk sem vælir yfir veikindum leiðinlegt og ég er búin að finna allt það jákvæða í öllum sýklunum. Hér kemur það...

Ég hef ákveðið að gerast jazz-söngkona á meðan hálsbólgan stendur yfir. Röddin er ryðguð og rám og þessvegna ætla ég að halda tónleika á morgun í bílskúrnum kl. 9.00. Undirleikari minn mun verða Pólverjinn Jegsyg Ínef. Það mun einungis kosta ein pakka af snýtuklútum inn.

Vírusinn hefur ekkert gert nema gott. Ég þurfti að fara til læknis og heimilislæknirinn minn er í fríi svo í staðinn fékk ég tíma hjá öðrum. Hann var mjög mjög sætur og ég er viss um að í rauninni er hann bara í starfsþjálfun til þess að geta hafið leik í ER. Þegar ég kom heim þá uppdagaðist það að mamma hafði líka þurft að fara til hans einu sinni og við ákváðum að skipt yrði um heimilislækni strax (enda sá gamli leiðinlegur). Þegar við hugsuðum málið aðeins betur áttuðum við okkur á því að verkur í litla putta myndi enda í heimsókn á heilsugæslustöðina og sjúkraframlag heimilisins myndi rjúka upp úr öllu valdi. Þess vegna höldum við okkur við þann gamla.
Doktor Sætur gaf mér smyrsl til þess að bera í augun. Smyrslið gerir það að verkum að ég sé allt í draumkenndri móðu og líður mér þess vegna eins og ég sé í endurminningu í sápuóperu og hef ég ákveðið að hún fjallar um mig og sætan lækni sem unnumst mjög en þurfum að skilja vegna dramatískra atburða sem verða ekki útlistaðir hér.

Já ég vil minna alla á að senda SMS í síma 1911 með skilaboðunum DOM 10 þargar Skördí og Andri keppa. Svo er líka hægt að senda BEST 20. Þá er verið að kjósa fyrir bestu sviðsframkomuna...

Já eitt enn. Ég var að búa til nýjan kassa sem heitir Ekki daglegt. Í honum eru þeir sem blogga ekki daglega, eða örsjaldan, sem og aðrir sem eru verðugir linki. Í þessum tilfæringum týndi ég hægri línunni á daglega rúnts kassanum og auglýsi hér með eftir henni. Þið getið bara sett hana í tapað-fundið kassann.
Og nú er ég farin í bíó á franska gamansakamálamynd... stafsetningavillur verða lagaðar síðar

Sko

Ég er mjög gáfuð, það er bara tvennt í heiminum sem að ég skil ekki (fyrir utan flókna stærðfræði, eðlisfræði, efnafræði, líffræði og stríð).

1. Hvers vegna eru ekki rúðuþurrkur á hliðargluggum á bílum, afhverju bara að framan og aftan? Ég vil líka geta horft til hliðar þegar rignir og það rignir oft á Íslandi!
2. Mér finnst matur oft góður (ekki kjöt þó). En hverjum datt í hug að fara niður að sjó, veiða fisk, sem er ekki auðvelt og éta hann? Eða þá búa til brauð, mala korn og allt þetta? Fáránlegast er þó kaffi. Hvernig getur maður bara óvart brennt baunir, innan úr berjum, malað þær, látið heitt vatn renna í gegnum duftið og drukkið svo vökvann. Ég meina.. þetta er allt svo langsótt! Þetta er allt mjög eðlilegt í dag, en ef að við þekktum t.d. ekki kaffi og ég ætlaði að kynna ykkur fyrir þessari aðferð (segjum bara að ég hafi fundið hana upp) þá væri ég líklegast í viðtölum hjá einhverjum lækni.

Svo held ég að kötturinn minn sé kominn með alzheimer. Hann mjálmar, svo tveimur sekúndum seinna gleymir hann að hann var að mjálma.. og mjálmar þess vegna aftur. Svona gengur þetta allan dagin. I love my cat, en stundum get ég orðið alveg brjáluð.
Og vei! Dáðadrengir unnu Músíktilraunir. Mér finnst þeir kúl og þess vegna fá Músíktilraunir ekki Pjölluverðlaun næst þegar þau verða veitt.

Sjaldan hef ég...
... verið jafn mjúk og í gær. Ég fór í rosasturtu og voru eftirfarandi efni öll brúkuð (sum tvisvar): facial oil, facial scrub, body scrub, sjampó, hárnæring, moisturizing shaving gel, mouisturizing body spray, facial mask, FireWalker og contidioning hair spray. Eftir allt þetta geta allir skilið hversvegna ég varð mjög mjúk og ilmandi, því konur ilma jú (eða eru það tenórar sem ilma?). Það er stundum svo mikið mál að vera kona (eða tenór).

Sjaldan hafa mér...
... þótt Þjóðverjar skemmtileg þjóð. Ég þekki þá allmarga og aðeins örfáir eru skemmtilegir. Í dag þætti mér þó mjög gaman að vera Þjóðverja, eða bara Frakki. Ég hugsa að ég væri skælbrosandi og það væri nú bara gaman. Þá þyrfti ég allavega ekki að skammast mín fyrir að vera Íslendingur. Nei lofið mér að umorða þetta. Þá þyrfti ég ekki að skammast mín fyrir þá ráðamenn hér í landi sem telja sig vera að tala fyrir hönd þjóðarinnar þegar Íraksmál, notkun Bandaríkjamanna á íslenska flugvellinum og meðbyr í stríði ber á góma.
Já og ég heyrði í Mikael Torfasyni í Zombie í gærmorgun. Hann skýrði frá því að Ísland hefði aldrei verið nefnt í dönskum fjölmiðlum og þeir sem brenndu íslenska fánann héldu örugglega að þeir væru að brenna þann breska. Þetta þykir mér gáfuleg athugasemd og örugglega rétt hjá honum.

Sjaldan hafa...
... tvær færslur átt jafn illa saman. Og sjaldan hefur kommennt kerfið mitt legið undir svo miklu álagi!

Sérdeilis prýðilegt

En sú gleði! Eftir að hafa legið í bókum og ritgerðarskrifum var sálartetrið glatt með kórárshátíð. Þar var mikið borðað, drukkið og hlegið. Ungir menn kysstu hendur og kinnar ungra kvenna þeim báðum til ánægju og yndisauka. Mörg danskort voru fyllt og stundum slógust konur um dansherra. Guðrún Lára kleif frægðarstigann með sínu danskorti (sem mátti húka á milli brjósta stúlkunnar allt kvöldið) fegurðardrottningar, leikkonur og útvarpskonur rituðu nafn sitt á hennar danskort og er það nú í innrömmun Hjá Hirti. Skúli eldri og Marta yngri sýndu áhættuatriði á heimsmælikvarða (og í atriðinu sýndi Marta líka eilítið af undirbrókunum). Nokkrar eldri dömur rökræddu um hver væri fríðasti nýnemi skólans um þessar mundir, ekki náðist sameiginleg ákvörðun. Svo var skundað í leigubíl til Skúla eldri. Þar komumst við að því að Mummi er með stærri haus en flestir, ef miðað er við stúdentshúfu piltsins. Einnig fundum við málverk í eldhúsinu af tveimur reiðum kínverjum, Elvis Presley og húsi. Kalli ákvað, stuttu eftir að hafa skyrpt kveikjaranum sínum út í runna, að halda skildi uppboð á þeim hlutum sem geymdir hefðu verið á milli brjóstanna á Guðrúnu Láru. Hún sýnir það og sannar að það sparar pening fyrir okkur sem eru brjóstgóðar (eða brjóstgóðir) að vera brjóstgóðar (eða brjóstgóðir) því að við þurfum ekki að kaupa okkur veski. Eftir að hafa stórslasað Viggu með kókflösku (ekkert gott kemur frá Bandaríkjunum!) og lent í samræðum við Skúla eldri um eitthvað sem ég man ekki (Skúlafur sonur var ekki viðræðuhæfur sökum vökva sem hann hafði innbyrgt fyrr um kvöldið) héldum við Karól heim á leið. Sálartetrið var svo sannarlega hamingjusamt!

Vissir þú að...

... árið 1991 varpaði Bandaríski herinn 80.000 tonnum af sprengjum á Írak? Það jafnast á við 7 sprengjur sem varpað var á Hiroshima.
... síðustu ár hefur ekki liðið mánuður þar sem Bandaríkjamenn og Bretar varpa ekki sprengjum á Írak? Sprengjur sem innihalda sneytt úran?
... af völdum sneydda úransins hafa Írakar og Bandarískir hermenn, sem komist hafa í tæri við það, eignast hræðilega vansköpuð börn, sem í sumum tilfellum hafa verið svo vansköpuð að þeim hefur ekki verið kleift að lifa?
... talið er að 1,7 milljónir manna hafi látist í beinum afleiðingum af viðskiptabanninu í Írak, þar af 60% börn? Fólk hrynur niður úr hungri og sjúkdómum sem til eru lækningar við, en engin lyf fást í landinu út af viðskiptabanninu.
... tíðni krabbameina meðal barna í Írak er ein sú hæsta í öllum heiminum?
... sú upphæð sem Bush jók, ég endurtek, JÓK til hernaðar í Bandaríkjunum jafngilti þeirri upphæð sem að Sameinuðu Þjóðirnar birtu í nýlegri skýrslu um hversu mikla fjárhæð þyrfti til þess að eyða öllu hungri í heiminum?
... árið 1998 höfðu Írakar uppfylt 97% af kröfum Bandaríkjamanna? Þrátt fyrir það afléttu þeir ekki viðskiptabanninu.
... til þess að komast til Írak þarf hluti af bandaríska hernum að fara yfir eyðimörk þar sem 5. hver hermaður getur átt á hættu að deyja vegna vatskorts, hita og salttaps?

Ég er ekki að taka afstöðu Saddams enda er ekki hægt að hafa neitt gott um þann mann að segja, né þá Bush, en í Írak þjáist saklaust fólk vegna fullorðinna manna sem láta eins og 6 ára börn á róluvelli.

Í gær...
... var ég á kóramóti upp í skóla. Þarna voru saman komnir kórar frá öllum helstu menntaskólum landsins. Kórinn í Flensborg og kór FÁ voru mjög góðir. Það var gaman

í dag...
... er ég lasin eins og á föstudaginn. Lasleikinn einkennist minnst af hita og kvefi og mest af stanslausum bréfaskiptum við kennara til þess að leysa hin og þessi vandamál sem þessi veikindi hafa skapað.
Já og ekki kaupa neitt af vinstrihlið (ef þú horfir á það þegar þú kemur inn) ávaxtaborðins í Hagkaup á Seltjarnarnesi. Ég hnerraði allrækilega yfir þá hlið í dag.

á morgun...
...vona ég að ég verði ekki veik lengur því að ég verð að fara á mikilvægan sópranafund. Þar á að skipuleggja magnaðasta árshátíðaratriði sóprana.. allavega frá því að ég byrjaði í kórnum, og þá er nú ekkert rosalega mikið sem þarf að toppa! (Mummi og Björg, þið turtildúfurnar verðið bara að gráta á hvors annars öxl yfir að missa af þessu!)

Núna...
... ætla ég að fara að borða þjóðarrétt okkar íslendinga, fisk og vatn. Ef tími gefst þá mun ég segja ykkur sögu af falli sölumannsins á horninu hér í hverfinu en bráðum munu Nesbúar efla til eggjakasts á sjoppuna (mér þykir líklegt að þeir byrji á sólpallinum hjá mér því þar er svo gott kastfæri í húsið við hliðiná. Þar á höfundur Júróvisjónlagsins heima. Ef að svo fer ekki þá mun ég halda Júróvisjónpartý og gefa öllum bakka af eggjum við innkomu).

Breska drottningin misst klæðskerann sinn, Sir Hardy Aimes, um dagin. Í Birtu, nýju tímariti frá Fréttablaðinu, var skýrt frá því að yfirlýsing hefði komið frá Buckingham Palace og var brot úr henni þýtt á þessa leið: "Drottninginn er afar sorgmædd að heyra af dauða Sir Hardy Aimes. Hann klæddi hana um áratugaskeið og er hún skiljanlega sorgmædd yfir dauða hans".
Er hún sorgmædd vegna þess að nú þarf hún að finna sér nýjan klæðskera eða vegna þess að hún kann ekki klæða sig sjálf? (Eða er þetta bara svona illa orðað?)

Ég kýs Völu frú Skaramúss 2003 og Jakob herra Skaramúss 2003.

Og þá er ég aftur farin að læra..

Raunveruleikinn færist fjær..

Ég er búin að læra eins og ég eigi lífið að leysa síðustu daga. 26 klukkutíma frá fimmtudegi til föstudags og síðan alveg helling í gær og nótt. Og nú liggja 3.993 orð um Grimmsævintýrin og íslensk ævintýri á nokkrum blöðum á eldhúsborðinu. Samt er ég ekki enn sofandi. Ég ákvað frekar að fara að baka amerískar pönnukökur.
Nú er ég ekkert lélegur kokkur, þó engin listakokkur líkt og móðir mín, eins og áður hefur komið fram. En ég er m.a.s. heimsþekkt fyrir lasagnað mitt sem þykir alveg hreint afbragð. Svo mikið afbragð að Barilla hefur uppskriftina mína aftan á pakkanum með lasagnaplötunum!
Jæja nóg um það, ég hefst handa við að búa til amerískt pönnukökudeig. Eitt egg, dass af lyftidufti, dass af salti o.s.frv. (of þreytt til þess að mæla þetta alveg nákvælmega). En ég finn hvergi pönnukökupönnurnar (magnað orð!). Ég trúi því ekki að foreldrar mínir hafi ákveðið að taka pönnurnar með í heimsókn til sýslumannsins á Dalvík, hún hlýtur sjálf að eiga pönnur! Og okkar eru alveg forljótar í þokkabót! Fjandinn hafi það, þá þarf ég bara að taka lélegu pönnuna, það er ekki einu sinni hægt að steikja egg á henni! En ég hefst handa full af bjartsýni. Fyrsta pönnukakan, hún er alltaf ljót.. önnur pönnukakan, hún er líka alltaf ljót... þriðja pönnukakan, bíddu á hún ekki að vera ögn fríðari? Á pönnu er búin að myndast brúnn vökvi sem áður bar nafnið smjör. Sjöunda pönnukakan, ég er byrjuð að blóta þessari bresku Carol McLain sem flutti til Flórída og sendi systur sinni uppskrift að amerískum pönnukökum sem að ég fann svo á netinu. Mér væri alveg nokkuð sama ef að þær væru, ljótar og góðar, fallegar og vondar eða fallegar og góðar. En ljótar og vondar? Svo að ég gefst upp. Í staðinn er hér uppskrift að gómsætum og MJÖG auðveldum rétti (upphaflega frá Sillu en þó breytt lítillega)

Hreint natsjó - tvö til þrjú handfylli sett á disk. Meira ef vill
Niðurskorinn ostur - dreift yfir natsjóið. Má vera í sneiðum eða bara eins og hver vill
Hitað í örbylgju í 40 sekúndur. Étið.

Góða nótt/morgun
Yfirlesturinn er greinilega farin að segja til sín

Færslur í dag verða tvær talsins. Sú fyrri fjallar um...

.. það sem er lífsnauðsynlegt að hafa við hendina þegar mikið er lært

Kaffi
Ég vil koma fram þökkum mínum til geitahirðisins í Afríku sem uppdagaði ágæti og notkun þessara bauna. Kaffi er lærdómselixír og segja fróðir menn að bestu verkefnin séu unnin undir áhrifum þessa undursamlega drykks. Megi Guð, Buddha, Allah og Lárus rektor blessa hann og varðveita
Kaffi
Ég vil koma fram þökkum mínum til geitahirðisins í Afríku sem uppdagaðu ágæti og notkun þessara bauna. Kaffi er lærdómselixír og segja fróðir menn að bestu verkefnin séu unnin undir áhrifum þessa undursamlega drykks. Megi guð, Buddha, Allah og Lárus rektor blessa hann og varðveita
Nammi
Sykur er hollur fyrir heilann, allavega í mínu tilfelli
Semigóða tónlist
Ef að hún er of skemmtileg getur maður átt það á hættu að missa einbeitinguna og fara að hlusta á hana í staðin fyrir að láta hana líða inn og út um hausinn
Kaffi
Ég vil koma fram þökkum mínum til geitahirðisins í Afríku sem uppdagaðu ágæti og notkun þessara bauna. Kaffi er lærdómselixír og segja fróðir menn að bestu verkefnin séu unnin undir áhrifum þessa undursamlega drykks. Megi guð, Buddha, Allah og Lárus rektor blessa hann og varðveita

Svo er víst líka ágætt að hafa bækur, skrifblokk og þess háttar hluti nálæga


Sú seinni er heitir einfaldlega..

Mummi og Björg

Hjá mér hefur vaknað grunur.. gæti verið að ástir hafi kviknað í gegnum veraldarvefinn? Er hugsanlegt að tvær íslenskar sálir, hvorugar á ísa köldu landi, hafi fundið frið og hamingju hjá hvor annari? Er Mummi ekki rúmliggjandi (hér sófaliggjandi) af alvarlegum veikindum, heldur er það raunverulega ástin sem náð hefur tökum á drengnum? Hvað veit ég svosem?
Ef við lítum á staðreyndirnar má sjá að þegar heimasíða Bjargar (sem hér er vinstra megin á myndinni) er skoðuð niður í kilinn er augljóst að Mummi (sem gæti verið veikur á þessari mynd) er nefndur ansi oft á nafn. Ekki tekur betra við þegar gestabókin er skoðuð. Það er ekki laust við að ástarblæ bregði fyrir í skriftum þeirra. Þau flytja saman ljóð og það eina sem vantar við "Velkomin heim" er "ljúfasta rósin mín". Er ég sú eina sem hef komið auga á þetta? Er veröldin blind á hamingju og yndisleika? Vaknið og finnið ilminn af vorinu!



P.S. Til að fyrirbyggja misskilning þá er þetta einungis vangavelta hjá mér, engar heimildir eru fyrir sambandi þeirra tveggja og er þetta aðallega gert til þess að koma þessum yndislegu myndum af Mumma á framfæri. Mummi minn, láttu ér batna og þér er velkomið að ganga í skrokk á mér við tækifæri, ef hugur þinn segir svo

Ja hérna!

Ef það er barasta ekki komið sumar. Sólin skín á grund sem grænkar smátt og smátt, börn í snú snú, fugl skríkir af gleði, fólk á mínum aldri í boltaleik, karlmenn farnir að sína fagurmótaða upphandleggsvöðva og Steini heldur því fram að jafnvel Esjan sjálf hafi dregið fram sumarkjólinn. Núna hlæja litlu börnin sem eru að leika sér í garðinum hjá mér. En hvað þetta er yndislegt.

Og ég sit inni og þarf að lesa 8 bækur um Jón Árnason, ævintýri og kynjahlutverk. Sólin hlýtur að skína seinna..

Ég mæli með...

... bókamarkaðnum í Smáralind. Hann lokar reyndar á morgun en það er hægt að gera kjarakaup og ganga aftur í barndóm. Ég varð að halda aftur af mér til þess að kaupa ekki allar bækurnar sem að ég las þega ég var 6 ára. En ég keypti...

... risabók um VW bjölluna
... bók frá 1978 sem heitir "Listin að líta vel út". Í bókinni eru fæðingarblettir kallaðir lýti, mælt er með brjósta-, rass- og magaaðgerðum og konum sagt að nota ilmvötn sem lykta eins og leður.. mmm!
... tvo árganga af Gög & Gokke, 1981 og 1982. Framan á hverju blaði stendur: "Verð kr. 20.00"
... 20 blönduð teiknimyndablöð í pakka, þ.á.m. Alf, umhverfis jörðina á 80 stundum og ævintýri Robins þar sem hann glímir aleinn við Catwoman. Hey og sjáðið hvað lærin á Catwoman eru eðlileg!

Tiltekt

Ég er búin að eyða kvöldinu í að skúra síðuna mína hátt og lágt, endurraða í hillur og flytja allt til og frá. Og er hún ekki fín? Í augum html lúðans er þetta stórvirki! Hildigunnur, ég er reiðubúinn að taka við 2 sleikjóum og blöðru sem á stendur 2 ára í staðinn fyrir að laga linkasafnið, setja komment á og allt þetta sem html lúði getur gert einn!
Annars lækkaði álitið á síðunni svolítið þegar ég sá þetta. Ekki tók betra við þegar ég rakst á þetta, þetta og þetta.
Ég er nokkuð sorgleg. Ég ætlaði að læra í kvöld þar sem ég er með nýja español stefnu; horfa á eina spænska mynd í viku. En í þessari viku fann ég enga sem að ég var ekki búin að sjá. Þær sem eru til á vídjói eru Abre Los Ojos, Todo Sobre Mi Madre og Kryddleginn hjörtu. Auðvitað eru til fleiri en ég nennti ekki að leita (Y tú mama también og Hable con ella eru ekki komnar út). Þess vegna sit ég heima í tölvunni á föstudagskvöldi, flöskudagskvöldi!

Jæja, ég er farin að sofa.. læri á morgunn á laugardegi, þynnkudegi!