*geisp*

Ég er eiginlega í fýlu, ætlaði mér á Dikta útgáfutónleika en vegna mikils heimalærdóms og leiklistaræfingar þá gat ég það ekki (grátur grátur). Mér finnst að kennarar eigi að skilja að þegar maður er í menntaskóla þá er maður lúði og vill bara vera í félagsskóla. S.s. allt námsefni mjög létt, kennarinn gerir heimavinnunna og svör eru uppgefin á prófi t.d.

Hver er forseti Íslands?
a) Ólafur Ragnar Grímsson
b) Ólafur Ragnar Grímsson
c) Ólafur Ragnar Grímsson
d) Ólafur Ragnar Grímsson

Nemendurnir sjá svo um að lifa lífinu (á maður ekki að njóta þess að vera ungur?). En það myndi henta manni mjög illa að fara ólærður útí lífið. En ég mæli þrátt fyrir það eindregið með nýju plötu piltana, eigulegur gripur (hver borgar mér núna kredit fyrir auglýsingu?)

Annars vorum ég, Silla Silly og Árni Pæling að tala um peningakassann í Hemma Gunn (annað bloggið í röð þar sem Hemmi gamli kemur fyrir, þetta er eitthvað gruggugt). Muniði ekki eftir kassanum? Fólk tók þátt oftast til þess að styrkja eitthvað gott málefni, fór inn í kassann, peningum var blásið útum allt og þáttakandinn átti að reyna að ná sem flestum peningum. Ýmsum bellibrögðum s.s. stórum buxum og peysum var oft beitt. Allavega.. ef maður pælir í því þá er þetta nokkur undarleg pæling (eins og Árni sagði) en mig langaði samt alltaf að fara í kassann.. var ég nokkuð ein um það?

Ég ætla að halda áfram að læra..
Sí jú leiter

P.S. Ef ég redda svona kassa hver vill þá redda péníng í kassann fyrir mig?
P.P.S. Óska eftir 24-7 nuddara sem er helst hægt að brjóta saman og setja í tösku.
P.P.P.S. Eyþór minn, takk fyrir ísinn þinn (þetta er sko örljóð til þín).

Hvað varð um...

... strákinn sem lék í "bæði betra" Cheerios auglýsingunni? ("Maður á alltaf að segja það sem manni finnst, það segir mamma mín allavega")
... Wigfield (ulalalala, saturdaynight bla bla bla)?
... gæjana sem gerðu Macarena?
... strákinn sem söng fyrir Snæfinn snjókarl með Sinfóníunni, nei ekki þennan sem var í Hemma Gunn og lék svo í Djöflaeyjunni? (hann fór kannski í mútur)
... Brad Renfro og Joe Perrino (fyrir ykkur sem vitið ekki hverjir það eru þá voru þeir mjög sætir þegar maður var 14 ára)?

P.S. Altos.. you are forgiven..

Er þetta ekki orðið gott?

Enginn skóli í dag, átti bara að vera í stærðfræði en í staðinn var skólafundur svo að ég svaf bara (þó að ég hafi ætlað mér á skólafundinn). Svo fór ég á Torvaldzen og ætlaði að kynna Ragnheiði B fyrir Torvaldzen kökunni (sem samanstendur af sykri, rjóma og sykri og allir sælkerar ættu að smakka) og hitti þar fyrir Yngva sem á einmitt afmæli í dag (alveg eins og Nína). Þrefalt húrra fyrir því!

Svo fór ég á kóræfingu. Við sópranar erum aðallega að syngja a og h (ef einhver skilur ekki þá er það s.s. mjög mjög mjög hátt, sérstaklega ef að maður er ekki búin að hita upp). Ég ætla hér með að biðja allar alta----r fyrir hönd allra sóprana að éta sokkana sína, helst eftir þriggja vikna notkun. Jújú, þetta var mjög fyndið fyrst, það er alveg satt, enda bara tíst og skrækir. En þetta er erfitt og hljómar illa og er ennþá erfiðara og hljómar ennþá verr af að þið (helví---) hættið ekki að flissa og hlæja að okkur. Ég minni ykkur á að við flissum ekki að andskotans baulinu í ykkur!

Með von um góðan þroska
Ragnheiður

Mmm.. nammi!

Þetta vil ég einmitt hugsa um þegar ég geri snjókall.
Þetta minnir mig óneitanlega á ræðukeppni MH og versló í gær þar sem við vorum fylgjandi barnaáti og unnum þrátt fyrir að versló hafi fengið 6 refsistig og við 90...
Þetta er þó ekki barnaát en tengist þó óneitanlega mikið börnum og áti.. á mjög ógeðfelldann hátt!

Verði ykkur að góðu!

Ég fann ógeðslega síðu á netinu.. hver í andskotanum gerir svona? 'Art of self-destruction'.. emm? "Vá, rosalega eru svipuförin þín orðin falleg. Minna mig bara á Picasso þegar hann var upp á sitt besta".. eða ekki! Er ekki nóg af svona eða svona börnum í heiminum? Afhverju gerir fólk þetta þá? Jú jú, þetta er alveg satt, alltaf sama gamla tuggan aftur og aftur en samt er breytist voða fátt, börnin svelta ennþá heilu hungur á meðan við rúllum um eftir jólin. Ekki misskilja mig, ég er ekki að segja að við eigum að hætta að halda jól og fara að senda 50% af öllum okkar peningum til 3. heimsríkjanna (þó að það væri nú ágætis hugmynd á sinn hátt). En afhverju gerum við samt ekki neitt?
Mér líður bara eins og ég sé lítil baun, fyrir utan það að ég er ekki étin. En ég get ekki gert neitt! Algjörlega peð á plánetunni jörð. Djöfulsins helvíti! Og klukkan er orðin svo margt að ég get ekki einu sinni byrjað á svona heimsku eða svona!

Þetta gleymdist á top 5 listanum...

6. Árni að fara í sitt fyrsta (býst ég við) handahlaup... æ æ .. þið hefðuð þurft að vera á staðnum!

Eyþór... you better buy me that icecream.. ég get líka sett sjarmann alveg á fullt (sem þýðir þá bakföll af hlátri, mikið fikt í hári, óþarfa viðkomur, sleikjó, fleginn bolur, dropa í augun til þess að gera þau bjartari og skínandi, mikill tími lagður í náttúrulegt make-up og allan pakkann). En það er bara ef þú ætlar að svíkjast undan!

Topp 5 listi síðustu daga

1. Gettur Betur lið MH rústaði éttu betur liði FB með 14 stiga mun. Þrefalt húrra fyrir Önnu Pálu (hetju), Andró og Jónasi sem náðu 25 stigum úr hraðaspurningum! Skemmtilegast var þó að sjá morfís liði okkar hampa langþráðum sigri (sorrý strákar)
2. Hljómsveitin í afmælinu hennar Svanhvítar, tók slagarann um Laugaveg, Í minn stað og Fingur (eða heitir lagið Hringir?), ásamt óvæntum gestaspilurum sem léku Snítubréf í kántrý útgáfu.
3. Kaupa 4 geisladiska á útsölu og allir mjög langþráðir; Sea change með Beck, () með Sigurrós, Kristnihald undir Jökli með Quarashi og Life, death and happiness með Ske.
4. Tveir menn sem að voru með mér í bíó og hlógu svo ansalega að hálfur salurinn hló helminga meira bara vegna þeirra (þeir voru alltaf að dæsa og andrvapra eftir hláturrokurnar).
5. Sjá Loga Bergmann (viðhald Önnu Pálu til 3 ára) snúa rassinum í FBinga næstum því alla keppnina

Bottom 5 listi síðustu daga

(sumt skilja bara þeir sem voru á staðnum)

1. Stuðmundur húsvörður
2. Bandið sem var sett fyrir salinn
3. Leiðinlegu viðskiptavinirnir sem kvörtuðu allan tímann yfir engu eða sögðu "barambamm tshhh" brandara (a plague on your houses!).
4. Þegar ég missti eina posann sem virkaði í húsinu í gólfið og braut loftnetið (það var samt mjög fyndið)
5. emm... svo gerðist ekkert meira leiðinlegt...

Jamm og já já

Það er aldeilis skrall á manni, ég sem ætlaði að taka því rólega þessa önn. Stjörnugjöfin er svohljóðandi:
Stórfélagsferð 10.01.03- 4 bjórar -hefði fengið 5 ef að Hreiðar hefðu ekki hrotið svona rosalega mikið eins og Eyþór minntist á
Kórpartý 11.01.03- 3 og hálfur bjór -sópraninn var ekki að standa sig (ég stend ekki undir rokksópran titlinum!) og mikið af ókunnugu ókórfólki, en eigi að síður gaman...
Árshátíð Lækjarbrekku 14.01.03- 4 bjórar -verrí næs dídjei, verrí verrí verrí gúdd fúd og opin bar í boði eigandans allt kvöldið!
Og það er augljóst að ég er að verða gömul, ég er virkilega dösuð eftir þetta allt saman. Legg mig örugglega í öllum hádegum út vikuna!

OK, ég veit að ég var að kvarta undan því að útsölurnar hefðu ekki allar byrjað á sama tíma, en ég verð samt að kvarta aðeins meira. Ég skil ekki hvers vegna allt þetta ljóta fer á útsölu og allt sem mig langar ekkert í! Bara sem dæmi þá langar mig í 5-6 geisldiska... enginn þeirra er á útsölu! Þannig að ég vil setja í lög að allt eigi að fara á útsölu þegar þær hefjast (eins gott að ég stjórni aldrei landinu. Það yrði algjört lagaveldi!)

óvör end át

P.S. Arnór ég var ekki að monta mig í Kringlunni. Átti reyndar líka að vera með vídjóvarpa en gat ekki haldið á þessu öllu svo að við redduðum honum öðruvísi í bæinn.. sem betur fer

P.P.S. djöfull er þetta lélegt blogg í dag! Gúrkutíð bara!

Opinbert bréf til sonar míns, Skúla

Mér þykir leitt að heyra að ég hafi sært þig með fyrri skrifum. Skoðun þín á málinu átti alls ekki að skipta máli, heldur bara fylgja sögunni. Mér þykir með eindæmum leitt að ég hafi gleymt samtali okkar í kirkjunni (hallelúja, amen) og þegar þú minnist á það þá veit ég vel að þú hefur rétt fyrir þér. Ég man vel andartakið á kirkjuloftinu (hallelúja, amen) og bið þig innilegrar fyrirgefningar hér og nú. Þú veist hvað ég get verið gleymin (eins og þegar ég gleymdi að slökkva á gaseldavélinni og kveikti í gamla húsinu okkar).

Ég vil að þú vitir það, elsku Skúli minn, að ég tel þig alls ekki hálfvita, síður en svo. Þú ert skýr drengur og duglegur og hefur alltaf gengt mömmu þinni og verið góður í öllu sem þú tekur þér fyrir hendur. Ég er mjög stolt af þér. Ég er búin að laga fyrri skrif svo að engin misskilningur verði og segi enn og aftur (og meina það innilega), fyrirgefðu elsku ljósið mitt. Það er alveg rétt sem að þú segir, ég lagði þér orð í munn og hefði ekki átt að gera enda veistu vel að ég hef sjálf oft sagt þér hversu dónalegt og ómannúðlegt það er. Ég samdi fyrir þig litla vísu

Skúli, þú er sonur minn
syngjandi og sætur
Skúli, hver er faðir þinn
sem greiðir ei barnabætur?

Það er erfitt að vera einstæð móðir, það er satt, en ekki með dreng eins og þig. Mundu bara að mamma elskar þig.

Þín elskandi móðir

P.S. Bið að heilsa Hjalta frænda

Kórinn eða leikfélagið?

Núna er ég að vafra í glænýjum vafrara frá Mac. Hann heitir Safari og er þvílíkt fljótur að hlaða upp síðum að maður er varla búin að ýta á enter þegar þær eru komnar upp. Nei ég er ekki að grínast!

Ég og Skúli sonur vorum eitt sinn að velta fyrir okkur hver myndi vinna street-fight ef að Kórinn og Leikfélagið myndu lenda í einum slíkum. Ég held að Leikfélagið myndi vinna en þykir þetta þó skemmtileg pæling. Til að þið getið dæmt um málið læt ég fylgja með nokkra og plúsa og mínusa við hvort.

Kórinn..
a) Er einfaldlega miklu stærri, 65-80 manns
b) Í honum eru margar píur sem hugsa frekar um útlitið og að passa að neglurnar brotni ekki
c) Tónlistarfólk er oftar veikbyggðara en leiklistarfólk (Skúli er ekki talinn með)

Leikfélagið
a) Í mesta lagi um 50 manns..
b) Í leikfélaginu eru engar langar lakkaðar neglur
c) Leiklistarfólk er miklu blóðheitara og miklu ákafara. Að leika er líkamlegra erfiðara en að syngja

Hvað haldið þið?

Í skólanum, í skólanum...

Djí hvað það er erfitt að vakna til að mæta í skólann. Ég skil ekki afhverju jólin eru ekki haldin oftar á ári, mér finnst það alveg eðlilegt. Verslunarmenn græða á því, allir eru voða hamingjusamir og glaðir, allir sofa mikið og horfa á sjónvarp.. bara allt í góðu!

Ég skil heldur ekki afhverju útsölurnar eru ekki byrjaðar allstaðar! Ég fór á alla verslunarstaði Reykjavíkur (alla þrjá s.s) í þeirri trú að spara á útsölum en ég sá svona fimm búðir þar sem voru útsölur (OK, ég er kannski að skreyta aðeins, svona 50% allra búða var byrjað á útsölum). Mér finnst að það ætti að vera lögbundinn útsöludagur, dagurinn sem allar útsölurnar byrja á. Þá gæti það verið eins og í bíómyndunum, fólk lægi fyrir utan í marga sólahringa til þess að vera fyrstir til þess að spara!
Það er líka svo erfitt að labba um þetta allt, annað hvort í skítakulda og rigningu eða með grenjandi krakka, pirrandi unglinga og ömurlegt píkupopp í eyrunum. Ekki nóg með það (það er sko lögbundinn kvörtunnardagur í Ragnheiðarlandi í dag) þá var (lögbundinn) konudagur hjá mér. Ég átti að vera kvennleg í fínu kápunni, svörtum sokkabukum og svörtum leðurskóm þannig að það var mjög erfitt að máta allt sem var ekki kvennlegt án þess að vera eins og bjáni..

Jæja, nú er ég farin að lúlla. Early to bed, early to rise (eins og stendur í gelgjubókunum sem að ég er að lesa. Ragnheiður B, þær eru ekki mjög fyndnar, frekar gelgjulegar!)
Góða nótt
Ragnheiður

P.S. Ragnheiður B (eða einhver html-fróður) hvernig fæ ég teljarann til þess að vera bili fyrir neðan blogger merkið (ATH! Ég setti teljarann inn sjálf!)?

Jamm og já já

Sjáiði bara hvað þetta er glæsilegt! Comments á góðum (sjánlegum) stað og linkar og ég veit ekki hvað og hvað. Ragnheiður B gerði þetta allt fyrir mig (takk samt fyrir allt Arnór minn). Fjórfalt vei fyrir því!

Allavega, ég fór heim til Inga á föstudagin. Hann var einn heima, eða næstum því, hann og kisa og eitthvað sem var lifnað við í ruslinu í húsinu. Við horfðum á The Fellowship Of The Ring. Loksins, loksins er ég búin að sjá hana og ég vildi að ég gæti bara horft á hana oft á dag. Ég þarft auðvitað ekki að útskýra fyrir neinum snilld þessarar myndar. Því síður þarf ég að útskýra fyrir þeim sem hallast til karla hve stór hluti karlkynsleikara hefur fagurt útlit að bera (eins og t.d. Legolas eða Aragorn. Segi bara svona... slef slef)

Át amma tÁ er núna tilbúin á endanlegu fomri. Lögin eru alveg klippt og engar hljóðtruflanir. Ladan úr Brúnadal mun án efa stíga á stokk brátt og spila einhverstaðar þar sem gott fólk er að finna. Í bígerð er jafnvel myndband við hittarann Luvly Luverboy. Heimsfrægðin er í nánd skal ég ykkur segja.

Að lokum vil ég benda örvæntingafullum einstaklingum sem þurfa athygli, ást og umhyggju á þessa síðu. Allavega hægt að finna sér eitthvað tímabundið (internetkostnaðurinn gæti hækkað eilítið ef fólk trúir á þetta..)

Handlaginn maður handa mömmu

Ef einhver er eins og ég þá horfir sá hinn sami mikið á barnaefni yfir jólin og nýja árið. Ég var s.s. að horfa á Handlaginn maður handa mömmu. Barnamynd sem fjallar um litla stelpu sem á eiginlega ekki pabba. Hún brýtur flugdrekann sinn og þar sem að hún er orðin leið á því að mamma hennar þykist kunna að gera við allt og maðurinn á neðri hæðinni geti ekki gert við neitt þá ákveður hún að leita að manni handa mömmu sinni. Hann á að vera handlaginn, barngóður, líka vel við hunda og ógiftur. Eftir smá leit fer hún í Kringluna og finnur þar mann handa mömmu sinni sem getur opnað bíla með herðatréi, vinnur í Boss búðinni, finnur hundinn hennar þegar hann týnist, skilar bakpokanum þegar hann gleymist, lagar flugdrekann og finnur auglýsinguna. Voða hamingju samt allt.
Höfundur sögunnar er s.s. hugsuðurinn mikli Ásta Hrafnhildur sem sá um Stundina Okkar þegar hún var upp á sitt b(v)ersta. Ekki nóg með það að sagan sé algjörlega út í hött því að allir geta lært að skipta um kló og laga flugdreka, einstæðar mæður eða ei, þá er draumaprisinn í þokkbót leikinn af Fjölni Þorgerissyni. Við fjölskyldan veltumst bókstaflega um af hlátri því að alltaf varð myndin fáránlegri og fáránlegri. Ég vil þakka Ástu Hrafnhildi kærlega fyrir þessa einstaklegu bjánalegu mynd og sérstaklega Fjölni fyrir frábæra (*hóst*) leikræna tilburði. Gæti árið byrjað betur! :)

Ef ykkur leiðist þá langar mig að benda ykkur á þessa síðu. Mjög skondin maður með mjög mikið af skondum hlutum sem hægt er að dunda sér við í langan tíma.